Sayt test holatida ishlamoqda!
03 Iyul, 2025   |   8 Muharram, 1447

Toshkent shahri
Tong
03:10
Quyosh
04:55
Peshin
12:32
Asr
17:42
Shom
20:04
Xufton
21:40
Bismillah
03 Iyul, 2025, 8 Muharram, 1447

Nishonga urilgan gaplar: “Istig‘for – ochilmaydi deb o‘ylangan qulflarning ochilishiga sabab bo‘ladi”

18.01.2019   3463   2 min.
Nishonga urilgan gaplar: “Istig‘for – ochilmaydi deb o‘ylangan qulflarning ochilishiga sabab bo‘ladi”

Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan. 

*****

Nabiy sollallohu alayhi vasallam muattar bo‘yli inson edilar. Agar biror kishi bilan qo‘l berib so‘rashgan yoki kimningdir boshini silagan bo‘lsalar, kun bo‘yi o‘sha odamning qo‘lidan yoki boshidan muattar hid anqib turar edi.

“Xovatir roqiya jurnali”

*****

Istig‘for – ochilmaydi deb o‘ylangan qulflarning ochilishiga sabab bo‘ladi.

“Xovatir roqiya jurnali”

*****

Ilmning:

Birinchisi: jim turish;

Ikkinchisi: chiroyli tinglash;

Uchinchisi: uni yodlash;

To‘rtinchisi: unga amal qilish;

Beshinchisi: uni tarqatish.

Mustafo Manfulutiy

Xovatir roqiya jurnali

*****

Odamlarning uy qurish borasidagi turli fikrlarini ko‘p eshitsak ham, baribir uyimiz tomsiz qolaveradi.

“Tarix muhrlagan so‘zlar”

*****

Insonning aqli pishib borgani sari atrofidagi odamlarning soni ham ozayib boradi. Chunki pishgan aql laganbardorliklarga toqat qila olmaydi.

Jorj Bernard Shou

*****

Komil fazilat – senga qilishlarini istamagan muomalani sen ham boshqalarga qilmasligingdir.

“Tarix muhrlagan so‘zlar”

*****

Holatingni sharhlab, izohlab vaqtingni ketkazma. Odamlar nimani eshitishni istasalar, o‘shanga quloq soladilar.

“Tarix muhrlagan so‘zlar”

*****

Sendan g‘azablangandan keyin sen bilan gaplashish uchun yana oldingga kelgan kishi seni qattiq yaxshi ko‘radigan shaxsdir.

“Xovatir roqiya jurnali”

*****

 

 

Internet materiallaridan to‘plab, tarjima qiluvchi

Nozimjon Iminjonov

 

Maqolalar
Boshqa maqolalar

Qiblani adashtirib o‘qilgan namoz

02.07.2025   4496   1 min.
Qiblani adashtirib o‘qilgan namoz

Savol: Men begona joyda mehmonxonaga joylashdim. Shoshilib, e’tiborsizlik bilan namozni qiblaga teskari tarafga qarab o‘qib qo‘yibman. O‘qib bo‘lganimdan keyin tushundim, shu namozimni hukmi qanday bo‘ladi?

Javob: Bismillahir Rohmanir Rohiym. Bu holatda, siz namozingizni qaytadan o‘qishingiz lozim bo‘ladi. Chunki qibla qaysi tarafdaligini bilmagan odam, shu yerlik qiblani biladigan (musulmon, aqli raso, oshkor gunohlardan tiyilgan) kishidan so‘rab, namoz o‘qishi lozim. Agar shu holatda qiblani biladigan kishi topilmasa, kechasi odamlarning eshigini taqillatib yurmaydi. Balki bor imkoniyatini ishga solib, qiblani topishga harakat qiladi. Qalbi bilan bir tomonni qibla, deb qasd qilib namozini o‘qiydi. Garchi qiblani to‘g‘ri topolmagan bo‘lsa ham, uning namozi durust bo‘ladi. Vallohu a’lam.

 

O‘zbekiston musulmonlari idorasi
Fatvo markazi