Rossiya Federatsiyasi Haj missiyasi vakillari joriy yilda Saudiya Arabistonining Riyoz shahriga tashrif buyurdilar. Ushbu tashrif doirasida Saudiya Haj vazirligida uchrashuv tashkil etildi.

Ushbu tashrifdan ko‘zlangan maqsad 2019 yil uchun Rossiya musulmonlari uchun Haj kvotalarini belgilash ekanligi aytib o‘tilgan.

TASS agentligiga delegatsiya vakillaridan birining bergan xabariga ko‘ra, rossiyaliklar uchun Haj kvotasi 2018 yilgi ko‘rinishda qoldirilgan. Bunda 2019 yilda 20,5 ming nafar ziyoratchi Haj ziyoratini amalga oshiradi. Rossiya tomoni Haj kvotasini besh ming kishiga oshirish taklifi bilan chiqqan va bunda Rossiya uchun kvota 25,5 ming o‘rinni tashkil etishi taklif qilingan.

Islam-today internet nashrining ma’lum qilishicha yaqin vaqt ichida 20,5 ming kishilik kvota Rossiya Federatsiyasi mintaqalari o‘rtasida taqsimlanadi.

O‘zbekiston musulmonlari idorasi Matbuot xizmati