Sayt test holatida ishlamoqda!
15 Iyun, 2025   |   19 Zulhijja, 1446

Toshkent shahri
Tong
03:04
Quyosh
04:49
Peshin
12:29
Asr
17:39
Shom
20:01
Xufton
21:39
Bismillah
15 Iyun, 2025, 19 Zulhijja, 1446

Germaniyada Qur’on va azon musobaqasi o‘tkaziladi

16.01.2019   4364   1 min.
Germaniyada Qur’on va azon musobaqasi o‘tkaziladi

Joriy 2019 yilning aprel oyida Germaniyaning Gamburg shahrida 7-Yevropa Qur’on va azon musobaqasi o‘tkaziladi. Bu haqda International Quran News Agency xabar berdi.

Gamburgdagi Islom markazi tomonidan tashkil etilayotgan musobaqa 2019 yilning 12-14 aprel kunlari o‘tkazilishi qayd etilgan.

Bu singari musobaqalarni o‘tkazishdan maqsad Qur’on ta’lim va islomiy madaniyatni yanada chuqurroq tadqiq etish, Mus'haf o‘quvchilarni rag‘batlantirish ekani aytib o‘tilgan. Musobaqa orqali qorilar va muazzinlar o‘zlariga tajriba orttirishlari ham aytilgan.

Hifz yo‘nalishida musobaqa faqat erkaklar o‘rtasida, Tartil bo‘yicha esa faqat ayollar o‘rtasida musobaqa tashkil etish aytilgan. Azon musobaqasida erkaklar ishtirok etadi.

Musobaqa ikki yosh guruhida o‘tkazilishi ma’lum qilingan. Bunda 16 yoshgacha bo‘lganlar va 16 yoshdan kattalar guruhga ajratilgan.

O‘zbekiston musulmonlari idorasi Matbuot xizmati

Dunyo yangiliklari
Boshqa maqolalar

Chatgpt dan diniy savollarga javob olish

13.06.2025   3802   2 min.
Chatgpt dan diniy savollarga javob olish

Savol: Chatgpt (sun’iy intellekt) orqali diniy savollarimizga javob olsak bo‘ladimi, shu javoblarga  amal qilsak bo‘ladimi? 

Javob: Bismillahir Rohmanir Rohiym. Yo‘q, bu joiz emas. To‘g‘ri, Chatgpt platformasi ayrim sohalarda insonlarga foyda bermoqda. Ammo diniy savollarga to‘g‘ri javob berishga ojizlik qiladi. Chunki u ham inson omili tomonidan ishlab chiqilgan bir mahsulot. Qolaversa, ba’zan savollarga taxminiy javoblar, hatto bu masala falon kitobda bor deb, arabiy iboralar ham berishi mumkin. Lekin u keltirgan iboralar na u aytgan kitobda va na boshqa fiqhiy manbalarda uchramaydi. Shu bois shar’iy masalalarga ahli ilm, mutaxassislarga murojaat qilish orqali yechim topish darkor. Alloh taolo oyati karimada bunday marhamat qilgan:


فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ

“Agar bilmaydigan bo‘lsangiz, zikr ahlidan so‘rangiz!” (Anbiyo surasi, 7-oyat).

Musulmon odam biror narsani bilmay qolsa, uni biladigan kishidan, o‘sha sohaning «zikr ahli»dan o‘rganishi lozim bo‘ladi. Shunday ekan, e’tiqod va dinu-diyonatga tegishli narsalarni ham shu sohaning bilimdonlaridan so‘rash talab etiladi. Buyuk tobeiy Ibn Sirin rahimahulloh bunday deganlar:


 ‌إن ‌هذا ‌العلم ‌دين فانظروا عمن تأخذون دينكم. رواه مسلم

“Albatta, bu ilm dindir. Bas, diningizni kimdan olayotganingizga qaranglar” (Imom Muslim rivoyati).
Mazkur iboraning sharhida Mulla Ali Qori rahimahulloh bunday deganlar:
“Bu ilm” so‘zidan murod Rasululloh sollallohu alayhi vasallam ummatga olib kelgan Qur’oni karim va hadisi sharifdan iborat bo‘lgan ta’limotdir. Uni ishonchli va adolatli zotlardan olmoqdamisiz yoki yo‘q, shunga nazar solinglar, ya’ni qayerdan, kimdan ilm olayotgangizni aniq bilinglar”. (“Mirqotul mafotih” kitobi). Vallohu a’lam.

O‘zbekiston musulmonlari idorasi
Fatvo markazi.