Avvalroq, Misr Arab Respublikasida Al-Azhar Xalqaro Qur’on musobaqasi tashkil etilishi va o‘tkazilishi, unda misrliklardan tashqari xorijliklar ham ishtirok eta olishi xususida xabar bergan edik.

Shu kunlarda Al-Azhar Xalqaro Qur’on musobaqasi tashkiliy qo‘mitasi bergan ma’lumotga ko‘ra, musobaqa besh bosqichda o‘tkaziladi. IQNAning xabar berishicha, tashkiliy qo‘mita musobaqa shartlarini e’lon qilgan.

Tanlov shartlariga ko‘ra, musobaqada qatnashuvchilarning yosh bo‘yicha tartibi qo‘yidagicha:

- birinchi bosqich: 40 yoshdan;
- ikkinchi bosqich 30 yoshdan;
- uchinchi bosqich 25 yoshdan;
- to‘rtinchi bosqich 15 yoshdan katta bo‘lmasligi kerakligi qayd etilgan.

Misrda istiqomat qiladiganlar azhar.eg/quranregister sayti orqali ro‘yxatdan o‘tishlari mumkin. Misrdan tashqaridagi nomzodlar Al-Azharning rasmiy maktubi yuborilgan Islomiy markazlar va mamlakatlarda qayd etilishlari mumkin. Nomzodlar jumodisoniy oyining oxirigacha ro‘yxatdan o‘tishlari lozimligi qayd etilgan.

Misrliklar uchun musobaqaning dastlabki saralash bosqichi jumodissoniy va rajab oylarida bo‘lib o‘tadi. Musobaqaning barcha qatnashuvchilari sha’bon oyining 15-22 kunlarida o‘zaro kuch sinashadilar. Final bosqichi sha’bon oyining 23-28 kunlari bo‘lib o‘tadi. Ramazonning 8 kunida esa musobaqa natijalarini e’lon qilish va g‘oliblarni taqdirlash marosimi o‘tkazilishi aytilgan.

O‘zbekiston musulmonlari idorasi Matbuot xizmati