Bugun yurtimizda turizmni rivojlantirishga alohida e’tibor qaratilmoqda. Dunyoga mashhur go‘zal shaharlarimizda turizm infratuzilmasini barpo etish, mehmonlar uchun barcha zarur shart-sharoitlarni yaratish, respublikamizning turizm salohiyatini zamon talablari darajasiga olib chiqish borasida tinimsiz izlanishlar olib borilmoqda.
Muhtaram Prezidentimizning shu yil 3 fevraldagi “O‘zbekiston Respublikasi turizm salohiyatini rivojlantirish uchun qulay shart-sharoitlar yaratish bo‘yicha qo‘shimcha tashkiliy chora-tadbirlar to‘g‘risida”gi PF-5326-son Farmoni ijrosini ta’minlash borasida bir talay ishlar qilinmoqda. Xorijlik sayyohlarni yurtimizga jalb etishda salmoqli natijalarga erishilmoqda.
Kecha, 14 noyabr kuni Saudiya Arabistoni Podshohligidan bir guruh mehmonlar yurtimizga tashrif buyurishdi. Martabali mehmonlar Toshkent shahridagi “Minor” jome masjidida juma namozini mo‘min-musulmonlarimiz bilan birga-birga ado etdilar.
Shundan so‘ng, Diniy idora Masjidlar bo‘limi mudiri Rahimberdi Rahmonov tomonidan saudiyalik mehmonlarga ushbu muhtasham jome masjidning faoliyati, namozxonlar kayfiyati, olib borilayotgan obodonlashtirish ishlari va yurtimizdagi diniy-ma’rifiy sohadagi ulkan o‘zgarishlar haqida so‘zlab berdi.
Podshohlikdan kelgan mehmonlar, haqiqatan, O‘zbekiston zaminida so‘nggi yillarda katta yangilanishlar va ijrootlar bo‘layotganini e’tirof etishdi.

O‘zbekiston musulmonlari idorasi Matbuot xizmati
Namanganda «Inson qadri» kitobi taqdimoti va soha xodimlarini taqdirlash marosimi bo‘lib o‘tdi.
Namangan shahridagi taqdimot marosimida Musoxon domla Abbosiddinov va boshqa mutasaddilar ishtirok etib, O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining yangi asari mazmun-mohiyatini tahlil qildilar. So‘zga chiqqanlar kitob jamiyatda mehr-oqibat va odob-axloq tuyg‘ularini mustahkamlashda muhim dasturilamal bo‘lishini ta’kidladilar.
Shuningdek, tadbir doirasida viloyat va tuman bosh imom-xatiblari uchun yangi dizayndagi maxsus liboslar taqdim etildi.
Tadbir yakunida yil davomida eng faol bo‘lgan imom-xatib va otinoyilarga tashakkurnomalar topshirildi.
O‘zbekiston musulmonlari idorasi
Matbuot xizmati