Avval, muftiy Usmonxon Alimov hazratlari Fransiyaning Parij shahrida bo‘lib o‘tadigan Xalqaro musulmonlar forumida ishtirok etish uchun jo‘nab ketganlari haqida ma’lumot bergan edik.
Muftiy hazratlari Toshkent – Moskva – Parij yo‘nalishi orqali Parijga yetib keldilar. Muftiy hazratni Parij shahri aeroportida Rossiya musulmonlari diniy idorasi vakillari hamda O‘zbekistonning Fransiyadagi elchisi Sardor Rustamboyev boshchiligidagi elchixonamiz xodimlari kutib oldi.
Kuni kecha, 9 dekabr kuni O‘zbekiston musulmonlari idorasi raisi, muftiy Usmonxon Alimov hazratlari Fransiya davlatiga tashriflari doirasida Parij shahridagi O‘zbekiston elchixonasi faoliyati bilan yaqindan tanishdilar.
Muftiy hazratlariga O‘zbekistonning Fransiyadagi elchisi Sardor Rustamboyev tomonidan olib borilayotgan keng ko‘lamli faoliyat to‘g‘risida ma’lumotlar taqdim etdi.
Bugungi kunda O‘zbekiston va Fransiya o‘rtasidagi munosabatlar yanada keng ko‘lam kasb etmoqda. Hamkorlik aloqalarining rivojlanganini Fransiya Prezidenti Emmanuel Makronning taklifiga binoan Prezidentimiz Shavkat Mirziyoyevning joriy yilda ushbu mamlakatga rasmiy tashrifi, ikki tomonlama munosabatlarning yuqori darajaga ko‘tarilganidan dalolat beradi. Ushbu uchrashuvlar natijasi o‘laroq, ko‘plab hamkorliklar yuzasidan shartnomalar va kelishuvlar imzolangan edi.
Fransiya safari davom etmoqda.
O‘zbekiston musulmonlari idorasi Matbuot xizmati
Bismillahir Rohmanir Rohiym
Abu Hurayra roziyallohu anhu rivoyat qiladilar: Rasululloh ﷺ aytdilar:
"Albatta, Muso (alayhissalom) nihoyatda kuchli hayo egasi bo‘lib, badanini doimo yopib yuradigan kishi edi. U hayo qilgani uchun o‘z tanasidan biror joyini ochib yurmas edi. Banu Isroil orasida ba’zi kimsalar uni kamsitib: ‘U doimo o‘z tanasini yashiradi, bu – uning badani nuqsonli bo‘lgani uchun shunday qilar. Balki u abras (pes), yoki moyaksiz (odar), yoki yana biror baloga uchraganidandir’, deyishdi.
Alloh taolo esa ularning bu gap-so‘zlaridan Musoni poklashni iroda qildi.
Bir kuni Muso alayhissalom cho‘milgani bordi. Kiyimlarini tosh ustiga qo‘yib, cho‘milishga kirishdi. Suvdan chiqib, kiyimlarini olish uchun tosh oldiga qaytganida, tosh uning kiyimlarini olib qochdi.
Muso alayhissalom hassasini oldi-da, tosh ortidan quvdi va: "Ey tosh, kiyimimni qaytar! Ey tosh, kiyimimni qaytar!", der edi.
U shu holatda Banu Isroilning bir guruhiga duch keldi. Ular Musoni kiyimsiz holda ko‘rishdi – Alloh yaratganlar ichida eng chiroyli, eng sog‘lom badan egasi ekaniga guvoh bo‘lishdi.
Alloh taolo Musoni ularning gap-so‘zlaridan poklab qo‘ydi.
Tosh to‘xtashi bilan Muso alayhissalom kiyimlarini olib kiydi-da, asosi bilan toshni ura boshladi.
Payg‘ambarimiz ﷺ aytdilar: "Allohga qasamki, Muso urgan toshda uch, to‘rt yoki beshta iz qoldi (ya’ni, urilgan zarbalar izi qoldi)."
Bu borada Alloh subhanahu va taolo bunday dedi: "Ey mo‘minlar! Musoga ozor berganlar kabi bo‘lmanglar. Bas, Alloh uni ayblaridan pokladi. Va u Allohning huzurida obro‘li zot edi" (Ahzob surasi, 69-oyat).