Ayni paytda yurtimizda Mavlid oyi keng nishonlanmoqda. Rasululloh sollallohu alayhi va sallam siyratlarini o‘rganish, Islom tarixiga oid bilimlarni mustahkamlash va diniy-ma’rifiy ilmlarni kengroq targ‘ib etish maqsadida turli tanlov va tadbirlar o‘tkazilmoqda.
29 noyabr kuni Imom Buxoriy nomidagi Toshkent islom institutida «Payg‘ambarimiz sollallohu alayhi vasallamga muhabbat iymondandir» nomli siyrat musobaqasi bo‘lib o‘tdi. Unda institut talabalari o‘zaro musobaqalashishdi. Tadbir ko‘tarinki kayfiyat va duoi xayrlar bilan o‘tdi. Ushbu musobaqa yakunlariga ko‘ra g‘oliblar aniqlanib, "Vaqf" xayriya jamoat fondi tomonidan bir qator sovg‘alar taqdim etildi.
19 – 29 noyabrgacha Toshkent islom institutining @islaminstitutuz nomli telegram kanalida “Siz Rasululloh sollallohu alayhi vasallamni taniysizmi” nomli tezkor savol-javob musobaqasi o‘tkazildi. Musobaqa g‘oliblari aniqlanib, qimmatbaho sovg‘alar taqdim etildi.

"Vaqf" xayriya jamoat fondi Matbuot xizmati