Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.
*****
Kishi Qur’onni xolis Allohning roziligini, karamli yuzini istab, qalbidan tilovat qilsa, uni tinglayotganlar bu tilovatdan ta’sirlanadilar.
Shayx Abdulbosit Abdussamad rahimahulloh
*****
Donishmand qo‘li bilan Oyga ishora qilganda, johil barmoqqa qaraydi.
“Tarix muxrlagan so‘zlar”
*****
Zakovatli, aqlli insonlarni rahbar qilib tayinlansayu, ularga qiladigan ishlarini biz yozib bersak, bu mantiqsizlikdir. Biz ularni bizga nima ish qilishimizni aytib, yo‘l-yo‘riq ko‘rsatib turishlari uchun rahbarlikka tayinlaganmiz.
“Tarix muxrlagan so‘zlar”
*****
Johillar va ahmoqlar o‘zlari tushuna olmagan narsalarning ustidan kuladilar.
Pifagor
*****
To‘qnashuvlar ikki xil bo‘ladi:
- Biri boshni ochadi (yoradi);
- Biri aqlni ochadi.
Abbos Mahmud Aqqod
*****
Agar bir lahzalik g‘azabingni bosa olsang, o‘zingni yuz kunlik nadomatdan qutqargan bo‘lasan.
“Tarix muxrlagan so‘zlar”
*****
Hayotdagi muvaffaqiyatsizlik sabablaridan biri – hammaning diqqat markazidaman, hamma men bilan ovvora deb o‘ylashingdir. Unutma, ko‘pchilikka sening qizig‘ing yo‘q.
“Tarix muxrlagan so‘zlar”
*****
Yaxshi inson bo‘lganing uchun hammadan senga adolat ila muomala qilishini kutishing xuddi “Go‘sht yemaydigan vegetarian bo‘lganim uchun ho‘kiz menga hujum qilmaydi” deb o‘ylashingga o‘xshaydi.
“Tarix muxrlagan so‘zlar”
*****
Har kuni tongda aslo g‘azablanmayman deb qaror qilaman. Kunimni bir muddat tinch o‘tkazaman. Keyin ba’zi ahmoqlarga yo‘liqib qolaman. Ular esa mening qarorimni amri mahol ishga aylantirib tashlashadi.
“Tarix muxrlagan so‘zlar”
*****
Yolg‘onni fosh etishning eng afzal qurilmasi – kunlardir.
“Tarix muxrlagan so‘zlar”
*****
Muvaffaqiyatli bo‘lmoqchi bo‘lsang, bitta qoidani hurmat qilishing kerak. Bu qoida: O‘ZINGNI ALDAMA!
“Tarix muxrlagan so‘zlar”
*****
Xatolarning eng og‘iri – o‘zingni xatolardan pok deb bilmog‘ingdir.
Tomas Karlayl
*****
Internet materiallaridan to‘plab, tarjima qiluvchi
Nozimjon Iminjonov
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
