Yurtimiz mustaqillikka erishgach, diniy qadriyatlar tiklandi. Sof Islom diniga bo‘lgan munosabat, qarashlar ham asl holiga qaytdi. Muqaddas dinimizning ulug‘ ibodatlari bo‘lgan Haj va Umra ibodatlarini fuqarolarimiz tomonidan ado etish borasida ham yildan yilga islohatlar amalga oshirilmoqda.

Vazirlar Mahkamasi huzuridagi Din ishlari bo‘yicha qo‘mita va O‘zbekiston musulmonlari idorasi tomonidan joriy yildan e’tiboran yurtimizdan muborak Umra ibodatlarini ado etish uchun boradigan fuqarolarimizning soni borasidagi cheklovlar olib tashlanganligi, Umra ibodatiga boruvchilar endi avvalgidek faqat yilning bahor faslida yoki Ramazon oyidagina emas, balki butun yil davomida Umra ibodatlariga borishlari mumkin bo‘ldi.

Avvallari muborak safarga boruvchilarga bunday qulay sharoitlar bo‘lmagan. Muborak safarga borish uchun yillar davomida navbatda turilgan. Saudiya Arabistoni mehmonxonalaridagi sharoitlar, avtobuslarda ziyoratchilarni tashish, qo‘yinki Muqaddas ziyoratni amalga oshirish uchun yurtdoshlarimiz juda katta qiyinchiliklarga duch kelar edi.

Xozirda esa, yurtimizdan Umra safariga borgan yurtdoshlarimiz Madinai Munavvara shahrida besh yulduzli “Pullman Zamzam Madina Hotel” mehmonxonasi va Makkai Mukarrama shahrida 4 yulduzli “Al Kiswah Hotel Towers” mehmonxonalarida istiqomat qilmoqdalar. Ziyoratchilarimizga tajribali ishchi guruhi, malakali shifokorlar hamda yurtimizdan borgan mohir oshpazlar ham xizmat ko‘rsatmoqdalar.

Ular tomonidan ziyoratchilar uchun shved stoli shaklida lazzatli ovqatlar tayyorlanmoqda.

Avvalari ziyoratchilar o‘zlari uchun ajratilgan soatni kutib turishar, oshxonalarda navbat kutib ovqat olishar, shu bilan birga ancha qiyinchiliklarga duch kelgan edilar.

Ushbu mehmonxonalar ikki Haramga ham juda yaqin joyda joylashgan bo‘lib,. Ziyoratchilarni Harami sharifga olib borish uchun kunu-tun davomida eng so‘ngi rusumdagi mikroavtobuslar tashkil qilinganligi o‘z navbatida yurtimizdan borgan ziyoratchilarni besh vaqt namozlarini Harami sharifda o‘qishlari uchun imkon beradi degani.

Bundan esa ziyoratchilarning ko‘ngillari to‘layotganligini ham ko‘rishimiz mumkin.

Makka shahri mehmonxonasida ziyoratchilarimiz ikki kishilik xonalarda istiqomat qilishmoqda. Avvallari esa mehmonxonalardan to‘rt kishilikdan boshlanib, o‘n ikki kishilik xonalarda ham istiqomat qilishgan. Mehmonxonalarda qat’iy ravishda erkaklar alohida, ayollar esa alohida xonalarda istiqomat qilishgan. Bu esa juda katta qiyinchilik tug‘dirardi. Xozirda esa ziyoratchilarimiz mehmonxonalarda mahrami bilan, ya’ni er-xotin yoki ona-bola bo‘lsa bitta xonada yotishlari uchun sharoitlar muhayyo qilingan. Bu esa o‘z navbatida otasi yoki onasi bilan birga kelgan ziyoratchilarimiz ota-onalarining xizmatlarida bo‘lishib, ularning duolarini olishga musharraf bo‘lmoqdalar. Bu esa necha yillardan beri amalga oshmay kelayotgan ishlardan biri edi.

Muborak Umra ziyoratiga borgan yurdoshlarimiz Makkai Mukarrama shahridagi mehmonxonaga kelganlarida ularni Payg‘ambarimiz sollallohu alayhi vasallamni madh etuvchi turli hil nashidalar bilan kutib olinayotganligi, ularning poyiga gullar sepilayotganligi, ularga yuksak e’tibor va ehtirom ko‘rsatilayotganligidan behad kishi ko‘ziga yosh keladi. Makkai Mukarrama shahridagi mehmonxonada ziyoratchilarimizga ko‘rsatilgan yuksak e’tibordan ziyoratchilarimizning ko‘zlaridan yosh kelmoqda.

Aslida ham mana shundoq bo‘lishi ham kerak edida. Zero Alloh ta’oloning baytini ziyoratiga borgan odam Allohning mehmoni bo‘ladi. Allohning mehmonlariga esa shunday izzat va hurmat ko‘rsatilishi kerak.

Madinai Munavvarada yurtdoshlarimiz Payg‘ambarimiz Muhammad mustafo sollallohu alayhi vasallamning Ravzai mutohharalarida ziyorat va ibodatlarda bo‘lmoqda. Shuningdek, ular Madinai Munavvarada Qubo va Qiblatayn masjidlari, Uxud tog‘i ziyoratlarida ham bo‘lishmoqda.

Ushbu muqaddas joylarda ziyoratchilar Islom dini tarixidagi ibratli voqealarni eshitib, duoi-xayrlarda ham jam bo‘lmoqdalar.

Makkai Mukarramada esa, oppoq ehromlar ila muborak Umra amallarini bajarib, muqaddas Ka’bai Muazzamada ibodatlarda qoim bo‘lmoqdalar.

Bu muqaddas joyda Rahmat tog‘i (Arofot), Nur tog‘idagi Hiro g‘ori, Savr tog‘idagi g‘or va dinimiz tarixidagi diqqatga sazovor bo‘lgan maskanlarni ham ziyorat qilmoqdalar.

Yurtimizdan borgan ziyoratchilarimizga ko‘rsatilayotgan yuksak ehtiromdan juda mamnun ekanligini ularning ko‘zlaridan ko‘rish mumkin.

Ular doimo ibodatlarida, duolarida Yurtboshimiz tomonidan amalga oshirilayotgan bunday islohatlar, ko‘lga kiritilayotgan yutuqlar, xalqning g‘amini hamma narsadan ustun qo‘yishi oqibatida muborak ziyoratlarning yaxshi sharoitlarda tashkil qilinayotganligidan xursand bo‘lib, duoi-xayrlar qilmoqdalar.

Alloh ta’olo yurtimizdan borgan barcha yurtdoshlarimizning ibodatlarini O‘zi dargohida qabul aylasin. Yurtboshimizni tinch va salomat qilsin. Doimo xalq dardiga malham bo‘lib, yurt ravnaqiga ravnaq qo‘shib yurishlikning Allohni o‘zi nisibi ro‘zi aylasin.

O‘MI Matbuot xizmati