Saudiya Arabistonidagi Masjid al-Harom va Masjid-an-Nabaviy ishlari bo'yicha bosh boshqarmasi Haj mavsumi uchun rejalari doirasida Masjid al-Harom masjididagi 35 mingdan ortiq Qur'oni Karim nusxalarini yangisiga almashtirishni e'lon qildi.
IQNA saytining “Tavasol” matbuot xizmatiga tayanib xabar berishicha, ko'zi ojizlar uchun Brayl alifbosidagi Qur'on loyihasida Qur'onning turli tillarga, xususan, ingliz, urdu va indonez tillariga tarjimalari Masjid al-Haromdagi Qur'on o'rnini egallagan.
Bu masjidda “Tafsir al-Maysar”, “al-Javomiu” (Qur'on Usmon Toho qo'li bilan yozilgan va oyatlarni o'qishni osonlashtirish uchun katta varaqda) va Molik Fahd majmuasi tomonidan chop etilgan Qur'on nusxalari mavjud.
Baytulloh ziyoratchilarining Qur'oni Karimga kirishini kengaytirish maqsadida Masjid al- Harom va Masjid al-Nabaviy ishlari bosh boshqarmasi tomonidan javonlar va boshqa tegishli joylarga Qur'oni karimning yangi nusxalari joylashtirildi.
Baytulloh ziyoratchilariga ko'proq xizmat ko'rsatish ushbu dasturning eng asosiy maqsadlaridan biri deb e'lon qilindi.
O'MI xodimi I.Ahmedov tayyorladi.
2025 yil 10 iyul kuni Qur’oni Karim xodimi, ustoz, shayx Alijon qori Fayzulloh Maxdum boshchiligida «Qur’on va tajvidni o‘rgatish» bo‘limi xodimlari O‘zbekiston musulmonlari idorasi kutubxonasiga tashrif buyurishdi.
Ma’lumki, kutubxonada turli mavzudagi nodir qo‘lyozma asarlar, Qur’oni Karim qo‘lyozma nusxalarining namunalari saqlanadi. Mana shunday nodir manbalardan biri Hazrati Usmon mus'hafi hisoblanadi. Qur’oni Karimning ushbu noyob va qadimiy qo‘lyozma nusxasi tadqiqotchilar va keng jamoatchilikning doimiy e’tiborida bo‘lib kelgan.
O‘zbekiston Respublikasi Prezidenti Shavkat Mirziyoyev rahbarligida 2023 yil 22 dekabr kuni o‘tkazilgan Respublika ma’naviyat va ma’rifat kengashining kengaytirilgan yig‘ilishida muzeylar faoliyatini takomillashtirish bo‘yicha yetti yillik dastur qabul qilinishi e’lon qilindi. Ushbu yig‘ilish davomida berilgan topshiriqlar bo‘yicha 50-son Bayonnomaning 47-bandida Muqaddas kitob – Usmon Qur’oni sahifalarining konservatsiya va restavratsiya qilinishini ta’minlash belgilangan. Mazkur dasturni amalga oshirish maqsadida O‘zbekiston Madaniyat va san’atni rivojlantirish jamg‘armasi qo‘llab quvvatlovi ostida xorijlik mutaxassislar, jumladan, Kembrij universitetidan Kristine Rose, fransiyalik restavratorlar Aksell Deleau va Koraliye Barbe, Istanbul qo‘lyozmalar ustaxonasi va arxiv bo‘limi mudiri Nil Baydar Usmon mus'hafini bosqichma-bosqich ta’mirlash rejasini ishlab chiqib, kelgusida muhofaza qilish bo‘yicha tavsiyalarni berdilar. Jumladan, «yengil restavratsiya ishlari»ni amalga oshirishdan avval Hazrati Usmon Qur’oni sahifalarini skaner qilish va matnini kodikologik tadqiq qilish bo‘yicha yo‘nalishlar belgilab olindi.
Ushbu xayrli ishlarning davomi sifatida O‘zbekiston musulmonlari idorasi kutubxonasida Hazrati Usmon Mus'hafi matnini kodikologik tadqiq qilish bo‘yicha muhim yig‘ilish bo‘lib o‘tdi. Unda «Qur’on va tajvidni o‘rgatish» bo‘limi mudiri shayx Alijon qori Fayzulloh va Kutubxona mudiri Kamoliddin Mahkamov boshchiligida bo‘lim xodimlari ishtirok etishdi. Yig‘ilishda «Mo‘yi muborak» madrasa-muzeyida saqlanayotgan Hazrati Usmon Mus'hafining tarixi va bugungi kundagi ahamiyati haqida so‘z yuritilib, uni kelajak avlodlar asrab-avaylashga xizmat qiladigan muhim masalalar muhokama qilindi. Jumladan, Hazrati Usmon Qur’oni sahifalari va fondda saqlanayotgan 1905 yilda Sankt-Peterburgda olingan nusxasini kodikologik tadqiq qilish bo‘yicha taklif va mulohazalar bildirilib, kelgusida qilinadigan ishlar rejalashtirildi.
AlQuranuz