Sayt test holatida ishlamoqda!
03 Iyul, 2025   |   8 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:10
Quyosh
04:55
Peshin
12:32
Asr
17:42
Shom
20:04
Xufton
21:40
Bismillah
03 Iyul, 2025, 8 Muharram, 1447
Avvalgi sayt
#search
 YouTube

Sirdaryo viloyatiga yangi bosh imom-xatib tayinlandi

21.07.2018   8132   1 min.
Sirdaryo viloyatiga yangi bosh imom-xatib tayinlandi

Bugun, 21 iyul kuni Sirdaryo viloyati vakilligida viloyat imom-xatiblarining navbatdan tashqari yig‘ilishi bo‘lib o‘tdi. Unda O‘zbekiston musulmonlari idorasi raisi, muftiy Usmonxon Alimov hazratlari qatnashdilar. Yig‘ilish bugungi kun talablaridan kelib chiqqan holda, tanqidiy va tahliliy ruhda o‘tdi.
Bugun yurtimizda kechayotgan jarayonlar, islohotlar barcha soha vakillaridan tezkorlikni, mehnatsevarlikni, o‘z ishiga nisbatan fidokorlikni talab qilmoqda. Jumladan, bugungi islohotlar imom-xatiblardan ham tezkor jarayonlardan ortda qolmaslikni, zamon bilan hamnafas yashash va ishlashni taqozo etmoqda. Imom domlalarimiz faoliyat qamrovi kengayganini inobatga olsak, endi ular faqat masjidda ibodatlarni ado etib beruvchi peshvo yoki ma’raka-marosimlarni o‘tkazib beruvchi mutasaddi emas, balki xalqning dardu tashvishidan xabardor, ularni qiynayotgan muammolarni o‘rnida yechishga ko‘maklashuvchi, insonlarni ezgulikka targ‘ib qilib, yomonlikdan qaytaruvchi, chin ma’noda odamlarning suyanchi bo‘lishi lozim. Muftiy hazrat boshchiliklarida o‘tkazilgan ushbu yig‘ilishda ham aynan, shu masalalarga urg‘u berildi.


Yig‘ilishda tashkiliy masala ko‘rildi. Unga ko‘ra, O‘zbekiston musulmonlari idorasining Sirdaryo viloyati vakili, viloyat bosh imom-xatibi va Guliston shahridagi “Guliston” jome masjidi imom-xatibi Mo‘minjon domla Usmonov o‘z xohishiga ko‘ra, egallab turgan lavozimlaridan ozod etilib, Guliston shahri “Tavhid” jome masjidi imom-xatibi vazifasiga tayinlandi.

Toshkent shahridagi “Mahkamboy Hoji Ota” jome masjidi imom-xatibi Zokirov Habibulloh O‘zbekiston musulmonlari idorasining Sirdaryo viloyati vakili, viloyat bosh imom-xatibi va Guliston shahridagi “Guliston” jome masjidi imom-xatibi lavozimlariga tayinlandi.

 

O‘MI Matbuot xizmati | muslim.uz

O'zbekiston yangiliklari
Boshqa maqolalar

Ixtiloflar yechimi

02.07.2025   2288   1 min.
Ixtiloflar yechimi

Ulamolar dinda ixtilof chiqarayotganlardan saqlanish uchun mazhab ahkomlarida mahkam turish, mutaassib g‘oyalarga berilmaslik zarurligini ta’kidlaydi va ixtilofchilarning jamiyatga buzg‘unchi ta’siridan saqlanishda quyidagilarni tavsiya qiladi:

– Ahli sunna val jamoa yo‘lidan yurish;

– Dinni o‘rganishda solih ajdodlar izidan borish;

– Tizimli va ishonchli manbalar asosida ilm o‘rganish;

– Ulamolarni hurmat qilish va ularga ergashish;

– Farzand tarbiyasiga alohida e’tibor qaratish;

– Turli toifa, firqa va guruhlarning chaqiriqlariga uchmaslik;

– Kishilar o‘rtasida ahil-inoqlik va do‘stlikni mustahkamlash;

– Din, Vatan va xalq foydasi uchun xizmat qilish;

– Ixtiloflardan chetda bo‘lish.

Tarixdan ma’lumki, qaysi xalq yoki jamiyatda ixtilof va o‘zaro nizolar avj olsa, u yerlarda katta fitnalar urchib, o‘lkalar zaiflashgan, oxir-oqibat muqarrar tanazzulga yo‘l tutgan. Aksincha, oshkora va maxfiy fitna va ixtiloflarga qarshi ilm, adolat va birdamlik bilan qarshi turgan yurtlar barqaror rivojlanib, dunyo hamjamiyatida o‘zining munosib o‘rnini egallagan.

Shu nuqtayi nazardan, musulmonlarimiz aqida, shariat va diniy amallarni bajarish masalalarida ulamolarimizga ergashishlari, jamoadan ajralmasligi, o‘zlarini buzg‘unchi toifalar ta’siriga tushib, diniy mavzularda nizo va tortishuv chiqarishdan tiyishlari, ixtilofli masalalarning yechimini jumhur ulamolarning Qur’on va sunnat, moturidiya aqidasi, to‘rt mo‘tabar fiqhiy mazhablar asosida yozilgan asarlardagi hujjat-dalillardan topishlari to‘g‘ri yechim hisoblanadi.

Mingbuloq tumani “Toptiq Aziz” jome masjidi

imom-xatibi Mirzohid Umirzoqov

Manba: @Softalimotlar

MAQOLA
#logo