Sayt test holatida ishlamoqda!
08 Iyul, 2025   |   13 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:15
Quyosh
04:58
Peshin
12:33
Asr
17:41
Shom
20:02
Xufton
21:37
Bismillah
08 Iyul, 2025, 13 Muharram, 1447
Avvalgi sayt
#search
 YouTube

Turkiyadagi Xalqaro Qur’on musobaqasida o‘zbekistonlik qorilar ishtirok etadi

18.05.2018   4811   1 min.
Turkiyadagi Xalqaro Qur’on musobaqasida o‘zbekistonlik qorilar ishtirok etadi

Joriy yilning 20 may kuni Turkiyaning Istanbul shahrida VI Xalqaro Qur’oni karim musobaqasi o‘z faoliyatini boshlaydi.

Mazkur musobaqa 20-30 may kunlari o‘tkazilib, quyidagi 2 yo‘nalishda bo‘lib o‘tadi:

1. Qur’oni karimni tajvid qoidasi bilan to‘liq yoddan o‘qish.

2. Qur’oni karimni tajvid qoidalari bilan tilovat qilib berish.

Yurtimizning 2 nafar vakili Sayyid Muhyiddin Maxdum o‘rta maxsus islom bilim yurti 4-bosqich talabasi Abdujalilov Sirojiddin qori va Xidirboyev Xusanxon qori hifz va mujavvid yo‘nalishida o‘z iqtidorlarini namoyish etish maqsadida mazkur musobaqada ishtirok etmoqda. Biz qorilarimizga ushbu nufuzli musobaqada sovrinli o‘rinlarni qo‘lga kiritishida Allohdan muvaffaqiyat va omadlar tilab qolamiz.

Xalqaro aloqalar bo‘limi xodimi
Abdulloh Parpiyev

Dunyo yangiliklari
Boshqa maqolalar

Ularning qalblari hidoyat chirog‘laridir

07.07.2025   2839   1 min.
Ularning qalblari hidoyat chirog‘laridir

Bir kuni Umar roziyallohu anhu masjidga chiqdilar, u yerda Muoz ibn Jabal roziyallohu anhuni Rasululloh sollallohu alayhi vasallamning qabrlari yonida yig‘lab turgan holda ko‘rdilar.

Umar raziyallohu anhu undan: "Ey Muoz, nima uchun yig‘layapsan?" deb so‘radilar.

Shunda Muoz roziyallohu anhu javob berdilar: "Men Rasululloh sollallohu alayhi vasallamdan eshitgan bir hadis tufayli yig‘layapman. U zot alayhissalom aytgan edilar: "Riyoning ozginasi ham shirkdir. Kimki Allohning do‘stlariga dushmanlik qilsa, bilib qo‘ysinki, u Allohga qarshi urush ochibdi. Albatta, Alloh taolo abror, taqvodor, o‘zini pinhon tutadigan bandalarni yaxshi ko‘radi. Ular shunday kishilarki, yo‘qliklarida, hech kim ularni axtarmaydi, hozir bo‘lganlarida ham hech kim ularni tanimaydi. Ularning qalblari hidoyat chirog‘laridir. Ular har qanday qorong‘u va g‘uborlik holatdan yo‘l topib chiqa oladilar".

Homidjon qori ISHMATBЕKOV