Avvalroq, “Sevimli” telekanali orqali Ramazon tuhfasi sifatida Payg‘ambarimiz Muhammad sollallohu alayhi vasallam haqlarida 30 qismdan iborat serial namoyish etilishi aytilgan edi.
“Sevimli” telekanalining ma’lum qilishicha, bugun soat 21:15 da 30 qismli «Olamga nur sochgan oy» serialining birinchi qismi namoyish etiladi, deb xabar bermoqda azon.uz.
Qayd etish kerak, serialda Payg‘ambarimiz sollallohu alayhi vasallamning bolalik, o‘smirlik va yetuklik davrlari, u zotga ilohiy vahiy kelishi, birinchi musulmonlarning e’tiqod yo‘lidagi sharaf va mashaqqatlari, dinimizning keng yoyilib borilishi haqida hikoya qilinadi.
“Sevimli” telekanali Ramazon tuhfasini xalqimiz uchun birinchilardan bo‘lib taqdim qildi.
Eslatib o‘tamiz, avvalroq «MilliyTV» telekanali «Umar ibn Xattob» nomli serialni namoyish etishni rejalashtirayotgani haqida xabar qilingan edi.
O‘zbekiston Respublikasi Prezidenti Shavkat Mirziyoyevning topshiriqlari bilan xalqimizning bag‘rikenglik va qo‘llab-quvvatlash ramzi sifatida "Qurbon hayiti" (Eid al-Adha) munosabati bilan Afg‘oniston aholisiga 183 tonna oziq-ovqat mahsuloti ortilgan navbatdagi insonparvarlik yordami yuklari Balx viloyatiga yetkazildi.
Insonparvarlik yuklari Hayraton shahridagi "Astras" kompaniyasi hududida O‘zbekiston Respublikasi Prezidentining Afg‘oniston bo‘yicha maxsus vakili Ismatilla Irgashev, Surxondaryo viloyati hokimi Ulug‘bek Qosimov hamda Balx viloyati gubernatorining o‘rinbosari Nurulhodi Abuidris, shuningdek, ikki tomon rasmiylari ishtirokida topshirildi.
Insonparvarlik yordami tarkibidan un, guruch, shakar, makaron va qandolat mahsulotlari, o‘simlik yog‘i, tez tayyorlanadigan taomlar, qizil loviya va mosh o‘rin olgan.
Afg‘oniston rasmiylari O‘zbekiston Prezidenti va xalqiga ko‘rsatayotgan insonparvarlik yordami uchun minnatdorchilik bildirib, Qurbon hayiti munosabati bilan samimiy tabriklarini yo‘llashdi.