Sayt test holatida ishlamoqda!
16 Iyun, 2025   |   20 Zulhijja, 1446

Toshkent shahri
Tong
03:04
Quyosh
04:49
Peshin
12:29
Asr
17:39
Shom
20:01
Xufton
21:40
Bismillah
16 Iyun, 2025, 20 Zulhijja, 1446

Xitoylik ulamolar Imom Buxoriy majmuasini ziyorat qildi

14.05.2018   2483   1 min.
Xitoylik ulamolar Imom Buxoriy majmuasini ziyorat qildi

2018 yil 14 may kuni yurtmizda mehmon bo‘lib turgan Xitoy islom uyushmasi raisi shayx Hasan Yang Fa Ming boshchiligidagi delegatsiya Samarqandda bo‘ldi deb xabar bermoqda O‘MI Samarqand viloyati vakilligi.

Mehmonlarni temir yo‘l vokzalidan viloyat bosh imom xatibi Z.Eshonqulov va Samarqand shahar bosh imom xatibi N.Islamov kutib oldilar.

Delegatsiya a’zolari tashrif davomida dastlab O‘zbekiston musulmonlari idorasining Samarqand viloyati vakilligiga keldilar. Vakillikda tomonlar o‘rtasida suhbat olib borildi. Viloyat bosh imom xatibi Z.Eshonqulov mehmonlarga viloyatdagi diniy vaziyat, islohot va natijalar haqida so‘zlab berdi. Mehmonlarga esdalik sovg‘alari taqdim etildi.

Mehmonlar ziyorat davomida O‘zbekiston Respublikasi Birinchi Prezidenti Islom Karimov yodgorlik majmuasi, Registon, Shohi Zinda ansambli va Imom Buxoriy ziyoratgohida bo‘ldilar. Xitoy ulamolari yurtimizdagi islohotlar, islom dini rivojiga qaratilayotgan e’tiborga guvoh bo‘ldilar.

Ta’kidlash lozimki, mehmonlar yurtimizdagi o‘zgarishlarni o‘ta ijobiy baholadilar.

Shuning bilan Xitoy delegatsiyasining viloyatga tashrifi yakunlandi.

 

O‘MI Matbuot xizmati

O'zbekiston yangiliklari
Boshqa maqolalar

Fotiha surasining shifo ekanini qayerdan bilding?

13.06.2025   5030   2 min.
Fotiha surasining shifo ekanini qayerdan bilding?

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Abu Said Xudriy roziyallohu anhudan rivoyat qilinadi: «Rasululloh sollallohu alayhi vasallamning sahobalaridan bir nechtasi safarga chiqishdi. Ular arab mahallalaridan biriga tushib, mehmon qilishini so‘rashdi. Mahalladagilar esa ularni mehmon qilishdan bosh tortishdi. Nogahon, ana shu mahalla oqsoqolini bir narsa chaqib oldi. Unga hamma narsani qilib ko‘rishdi, ammo foyda bermadi. Ba’zilar: «Ana u mehmonlarga boringlar-chi, shoyad, ularda biror narsa bo‘lsa?» deyishdi. Ular borib: «Ey mehmonlar jamoasi, bizning boshlig‘imizni bir narsa chaqib oldi. Hamma harakatni qilib ko‘rdik, ammo foyda bermadi. Sizlarda biror narsa bormi?» deb so‘rashdi.

Mehmonlardan bittasi: «Allohga qasamki, men dam solinadigan bir duoni bilaman. Lekin sizlardan bizni mehmon qilishingizni so‘raganimizda, rad etdinglar. Bizga bu duoning evaziga biror narsa bermasanglar, uni aytmayman», dedi. Ular bir to‘da qo‘y berishga kelishib olishdi. Shunda u sahoba «Alhamdu lillahi Robbil ’alamiyn»ni (ya’ni, Fotiha surasini) o‘qib sufladi. Oqsoqol go‘yo arqon yechilganidek harakatga keldi. Unda biror og‘riq qolmay yurib ketdi. Keyin ular kelishilgan narsani berishdi. Sahobalar: «Uni taqsimlanglar», deyishgan edi, dam solgan kishi: «Nabiy sollallohu alayhi vasallamdan bu to‘g‘rida so‘rab, bizga biror narsani buyurmagunlaricha taqsimlamanglar», dedi. Sahobalar Nabiy sollallohu alayhi vasallam huzurlariga borib, bu voqeani aytib berishdi. Shunda u zot: «Sen uning (Fotiha surasining) shifo ekanini qayerdan bilding? - dedilar, so‘ngra to‘g‘ri qilibsizlar, ularni taqsimlanglar. Menga ham ulush ajratinglar», deb Nabiy sollallohu alayhi vasallam kulib qo‘ydilar».

Imom Buxoriy va Imom Muslim rivoyatlari.

Mana shu imom Buxoriyning rivoyatlari mukammalroqdir.

Boshqa rivoyatda esa: «Fotihani o‘qib, tufugini to‘plab suflab qo‘ydi. So‘ng haligi kishi tuzalib ketdi», deyiladi.

Imom Navaviyning «Al-Azkor» kitobidan