Kuvaytning Adliya va din ishlari vaziri Doktor Fahad Al-Afasi mamlakatning 9-xalqaro Qur’on musobaqasi 10 aprel kuni boshlanishini e’lon qildi. 

“KUNA” agentligining xabar berishicha, xalqaro musobaqa Amir Shayx Saboh Al-Ahmad Al-Jabir Al-Saboh homiyligida o‘tkaziladi. 

Musobaqadan ko‘zlangan maqsad arab va musulmon davlatlarida yashovchi Qur’oni Karimni yod olish bilan shug‘ullanganlar orasida g‘oliblarni aniqlash, yosh avlodga Qur’on tilovati va ilmlarini o‘rgatishda imomlar roliga e’tiborni qaratish, shuningdek, Qur’oni Karimni yod oluvchilarni rag‘batlantirishdan iborat ekanini aytib o‘tgan. 

Vazir Al-Afasi joriy yilgi musobaqadan ko‘proq odam manfaat ko‘rsin, degan maqsadda xorij davlatlardan imkon qadar Qur’onni yod olgan ko‘p vakil ishtirok etishini ta’minlashga harakat qilinayotganini so‘ziga qo‘shimcha qilgan.

O‘MI Matbuot xizmati