2018 yil 9 mart juma kuni Toshkent shahridagi “Ko‘h ota” jome masjidining yangi binosi qurilishi uchun birinchi g‘isht qo‘yildi.
Ushbu xayrli tadbirda O‘zbekiston musulmonlari idorasi raisi o‘rinbosari shayx Abdulaziz Mansur hazratlari boshchiligida taniqli ulamolar, nuroniy otaxonlar va masjid qavmi qatnashishdi. Yuzlaridan nur balqib turgan tabarruk otaxonlar masjidning birinchi g‘ishtini qo‘yib berdilar. Ixlos va e’tiqodli xalqimiz jomening qurilish ishlarida faol ishtirok etishga bel bog‘ladilar. Alloh ixloslariga yarasha ajrlarini ko‘paytirib bersin. Masjid binosi qurilishi muslim.uz portalining Feysbuk ijtimoiy tarmog‘idagi sahifasi orqali onlayn uzatildi. Quyidagi link orqali tomosha qilishingiz mumkin: https://www.facebook.com/muslimuzportal/videos/

Ma’lumot uchun, hozirda Toshkent shahrida “Suzuk ota” jome masjidi qurilish ishlari jadallik bilan davom ettirilmoqda. Shuningdek, azim poytaxtimizdagi “Imom Termiziy” jome masjidining qurilish ishlari ham yakuniga yetib bormoqda.

O‘MI Matbuot xizmati