Prezidentimiz Shavkat Mirziyoyevning tashabbusi bilan o‘tkazilayotgan Respublika Qur’on musobaqasi Toshkent shahrida yaqin kunlarda boshlanadi.
O‘MI Toshkent shahar vakilligi tomonidan musobaqaning dastlabki saralash bosqichi o‘tkaziladigan joylar haqida ma’lumot berildi.
Toshkent shahri bo‘yicha musobaqaning tuman bosqichlarida jami 486 kishi ishtirok etadi. Ulardan 302 erkak, 184 ta ayol-qizlar tashkil etadi.
Erkaklar
“Ko‘kcha” masjidi 13fevral 9:00da;
Ayollar
“Mumtoz” to‘yxonasi 13 fevral 10:00da.
Erkaklar
“Minor” masjidi 14 fevral soat 9:00da;
Ayollar
“Osiyo” to‘yxonasi 10:00da.
Erkaklar
“Xolid ibn Valid” masjidida 14 fevral soat 9:00da;
Ayollar
“Yakkasaroy” to‘yxonasi, 14 fevral, soat 10:00da.
Erkaklar
“Bisyor” to‘yxonasi, 14 fevral, soat 9:00da;
Ayollar
“Bisyor” to‘yxonasi, 15 fevral, soat 9:00da.
Erkaklar
“Hazrati Imom” masjidi, 15 fevral, soat 9:00da;
Ayollar
“Farovon” to‘yxonasi, 14 fevral, soat 10:00da bo‘lib o‘tadi.
Qur’on musobaqasini portali va uning ijtimoiy tarmoqlardagi sahifalarida kuzatib boring.
O‘MI Matbuot xizmati
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
Sayyid Sulaymon Nadaviy rahmatullohi alayhning ilm va fazllari mashhur bo‘layotgan va shuhrat qozonayotgan edi. U kishi o‘zlarining voqealarini quyidagicha so‘zlab beradilar: «Men «Siyratun-Nabiy sollallohu alayhi vasallam» kitobini olti jild qilib tamomladim. «Muhtaram Zotning siyratlaridagi biror jilva yoki ko‘rinish mening hayotimda ham bo‘lganmi yoki yo‘q? Agar bo‘lmagan bo‘lsa, u holda qanday bo‘ladi?» degan o‘y qayta-qayta qalbimda tinchlik bermas edi. Shu maqsad uchun Allohning biror valiysini qidirdim.
Thana Bhavandagi xonaqohda yashaydigan va Alloh taolo fayzlarini taratib qo‘ygan Mavlono Ashraf Ali Tahonaviy hazratlari haqida eshitgan edim. Shunday qilib, bir kuni Thana Bhavanga borishni niyat qildim va safarga chiqdim. Borib, hazrat bilan ko‘rishdim va bir necha kun u yerda turdim. Ortga qaytayotganimda hazrat Tahonaviy rahmatullohi alayhga: «Hazrat! Biror nasihat qiling», dedim. U zotning xayollariga o‘sha payt: «Shunday katta allomaga nima nasihat qilaman? Ilm va fazli butun dunyoga mashhur bo‘lsa», degan o‘y kelibdi. Keyin: «Ey Alloh! Qalbimga uning uchun ham foydali bo‘lgan va mening uchun ham foydali bo‘lgan narsani sol», deb duo qilibdi. Shundan keyin hazrat Tahonaviy rahmatullohi alayh Sayyid Sulaymon Nadaviy rahmatullohi alayhga xitob qilib: «Ey birodar! Bizning yo‘limizda boshidan oxirigacha o‘zingizni xokisor tutishingiz kerak», debdilar.
Sayyid Sulaymon Nadaviy rahmatullohi alayh aytadilar: «Hazrat Tahonaviy rahmatullohi alayh bu so‘zlarni aytayotganlarida qo‘llarini ko‘ksilariga olib borib, past tarafiga bir zarba berdilar, zarba xuddi mening qalbimga tushgandek bo‘ldi».
Hazratimiz Doktor Abdulhay rahmatullohi alayh aytadilar: «Bu voqeadan keyin Sayyid Sulaymon Nadaviy rahmatullohi alayh o‘zlarini shunday xokisor tutdilarki, uning misli topilishi qiyin edi. Bir kuni qarasam, xonaqohning tashqarisida hazrat Sayyid Sulaymon Nadaviy rahmatullohi alayh majlisga kelganlarning oyoq kiyimlarini tartiblayotgan ekanlar. Shunday tavoze’ va muhabbatni Alloh taolo u kishining qalbida paydo qildi va keyin yuksak darajalarga ko‘tarib qo‘ydi».
«Nasihatlar guldastasi» kitobidan