Sayt test holatida ishlamoqda!
04 Iyul, 2025   |   9 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:11
Quyosh
04:55
Peshin
12:33
Asr
17:42
Shom
20:04
Xufton
21:40
Bismillah
04 Iyul, 2025, 9 Muharram, 1447
Avvalgi sayt
#search
 YouTube

Muftiy Usmonxon Alimov Rossiya muftiylar kengashi raisiga maktub yo‘lladi

31.01.2018   5970   1 min.
Muftiy Usmonxon Alimov Rossiya muftiylar kengashi raisiga maktub yo‘lladi

Rossiya Federatsiyasi musulmonlari diniy idorasi, Rossiya muftiylar kengashi raisi, Rossiya Federatsiyasi Prezidenti huzuridagi
Diniy birlashmalar bilan aloqalar Kengashi a’zosi,
muftiy shayx Ravil Gaynutdin janoblari!

Muhtaram muftiy hazratlari,

O‘zbekiston Islom akademiyasi davlat ro‘yxatidan o‘tib, guvohnoma olishi munosabati bilan Rossiya Federatsiyasi musulmonlari diniy idorasi va Rossiya muftiylar kengashi nomidan yo‘llagan tabrigingizdan ko‘nglimiz tog‘dek ko‘tarildi. Mamlakatimizdagi ushbu ulkan yangilikni Rossiya musulmonlari qo‘llab-quvvatlagani mo‘min-musulmonlarimiz quvonchini yanada oshirdi.
Sizning O‘zbekiston Islom akademiyasi tashkil etilishi munosabati bilan yo‘llagan iliq so‘zlaringiz ommaviy axborot vositalari orqali xalqimizga yetkazilganda hamma birdek mamnun bo‘ldi. Ayniqsa, Imom Buxoriy, Imom Termiziy davrida bo‘lgani kabi bugun muhtaram Prezidentimiz Shavkat Mirziyoyev qo‘llab-quvvatlovi bilan yurtimizda islomiy oliy ta’limning shonli an’analari qayta tiklanayotgani haqidagi fikrlaringiz barchamizni juda ham shodlantirib yubordi.
Samimiy tilaklaringizda, Islom akademiyasining dinimiz manfaati yo‘lida muvaffaqiyatli faoliyat olib borishini bildirganingiz uchun tashakkur. Biz ham o‘z navbatida Islom akademiyasi ishini rivojlantirish, kasbiy va ilmiy salohiyatni oshirishda Sizning vakillaringizni ko‘rishdan baxtiyor bo‘lishimizni izhor qilamiz.
O‘zbekiston musulmonlari idorasi va mo‘min-musulmonlar nomidan Siz janobi oliylariga, jamoangizga mana shunday xursandchilik kunlarda chin qalbdan birga-birga ekaningiz uchun samimiy minnatdorlik bildiramiz.
Birodarimga eng ezgu tilaklar va yuksak ehtirom ila,

O‘zbekiston musulmonlari
idorasi raisi, muftiy Usmonxon ALIMOV

O‘MI Matbuot xizmati

O'zbekiston yangiliklari
Boshqa maqolalar

“Safarga ketdilar...”

04.07.2025   1855   2 min.
“Safarga ketdilar...”

Ayoli vafot etganidan keyin eri juda mayus bo‘lib qoldi. Bir kuni uning yaqin do‘sti uni koyidi:

– Haliyam uylanmadingmi?

– Yo‘q, – dedi u.

– Nega, nahotki boshqa ayollar ichida senga yoqadigani bo‘lmasa?

– Rahmatli ayolimga o‘xshagani topilmasa kerak...

– Qo‘ysang-chi, ayollarning bari bir-biriga o‘xshaydi-ku!..

– Men zohirini aytmayapman. Ichki olamini, botinini aytyapman.

Yigit hayron bo‘lib qarab turgan do‘stiga hayotida bo‘lgan birgina voqeani gapirib berdi:

“Bir kuni ayolim jahlimni chiqardi. Qattiq urishdim va uni ota uyiga haydadim. Jimgina ketdi. Oradan bir necha kun o‘tgach, qilgan ishimdan pushaymon bo‘ldim. Aslida ayb o‘zimdan o‘tganini angladim. Ming andisha bilan qaynotamnikiga bordim. Eshik oldida biroz turib qoldim. So‘ng eshikni taqillatdim. Ayolim ochdi va meni hayratda qoldirib, xuddi oramizda hech gap o‘tmaganday, baland ovozda:

– Assalomu alaykum dadajonisi, safaringiz yaxshi o‘tdimi? – deya tabassum bilan ko‘zini qisib qo‘ydi. Unga bir nimalar demoqchi bo‘lgan edim, u meni qattiq bag‘riga bosib, bunday dedi:

– Gapirmang, ota-onamga sizni “safarga ketdilar”, dedim...

Ana shunday fahmli, oqila edi ayolim. Shuning uchun ham unga hech birini o‘xshatolmay, uylanolmay yuribman, do‘stim”.

Ha, azizlar! Alloh taolo erkakni ayol uchun, ayolni erkak uchun ne’mat qilib bergan. To‘g‘ri, ba’zilar bir-birlarining kamchiliklaridan shikoyat qilib qolishadi. Ammo hech kim benuqson emas. Mukammal ayolni ham, erkakni ham axtarmang bu dunyoda. Hikoyada kelganidek, ba’zida er uchun bir jufti halol butun dunyodagi ayollardan afzal bo‘lishi mumkin. Shunday ekan, ahli ayolimizni qadrlaylik. Zero, u ham kimningdir farzandi, bolalarimizning onasi. Eng muhimi, Allohning bizga bergan omonatidir.

Akbarshoh RASULOV

#logo