O‘zbekiston Respublikasi Prezidenti Shavkat Mirziyoyev janoblari 2017 yil 1 sentyabrda “Hazrati Imom” majmuasida davlat, jamoat va diniy soha xodimlari bilan bo‘lib o‘tgan uchrashuvda Din ishlari bo‘yicha qo‘mita, O‘zbekiston musulmonlari idorasi va O‘zbekiston Islom sivilizatsiyasi markazi birgalikda Respublikada ommaviy suratda va turli bosqichlarda Qur’on qiroati musobaqalarini o‘tkazish bo‘yicha topshiriq berdilar. Ushbu topshiriq ijrosini ta’minlash bo‘yicha O‘zbekiston musulmonlari idorasi buyrug‘iga asosan 2018 yilning birinchi yarmida O‘zbekistonda Qur’on musobaqasini o‘tkazish belgilab olindi.
Muhtaram Prezidentimizning tashabbusi bilan o‘tkazilayotgan ushbu Qur’on musobaqasida O‘zbekiston musulmonlari idorasi tasarrufidagi diniy ta’lim muassasalari va Toshkent islom universiteti talabalaridan tashqari, masjidlardagi imom-xatiblar, imom noiblari, muazzinlar hamda Qur’oni karim qiroati bo‘yicha iqtidori bo‘lgan 18-40 yoshdagi barcha erkagu ayol fuqarolarimiz ishtirok etishlari mumkin.
Musobaqa ikki yo‘nalish bo‘yicha olib boriladi: hifz va tilovat. Hifz yo‘nalishida Qur’oni karimni to‘la yod olgan qori va qoriyalar, tilovat yo‘nalishida esa Qur’onni go‘zal tarzda tilovat qila oladigan fuqarolar ishtirok etadi.
Ishtirokchilar yoshga ko‘ra ikkiga taqsimlanadi:
18‒25 yoshdagi ishtirokchilar;
25‒40 yoshdagi ishtirokchilar.
Musobaqaning tuman (shahar) va viloyat bosqichlari, shuningdek, mazkur o‘quv yurtlaridagi saralash bosqichi 2018 yilning boshidan mart oyiga qadar hamda bularning barchasi uchun respublika bosqichi 2018 yil aprel oyida o‘tkazilishi rejalashtirilgan.
Musobaqaning birinchi bosqichi viloyatlardagi bosh shahar va markaziy tumanlarda (3‒4 ta tumanda) bo‘lib o‘tadi. Ishtirokchilar doimiy ro‘xatdan o‘tgan manzillari asosida qaytdan o‘tadilar. Ro‘yxatga olish 2018 yilning 1 yanvaridan boshlab 10 yanvarigacha davom etadi. Ushbu Qur’on musobaqasida ishtirok etish istagida bo‘lgan fuqarolar O‘zbekiston musulmonlari idorasining viloyatlardagi vakilliklariga murojaat qilishlari tavsiya etiladi (Murojaat uchun telefon raqamlar quyida berilgan).
Ayol-qizlar o‘rtasidagi Qur’on musobaqasi o‘ziga xos, sharqona tartiblarga rioya etilgan holda o‘tkazilishi ta’minlanadi. Bunga viloyatlardagi vakilliklar qoshida xizmat ko‘rsatayotgan otin oyilar mas’ul qilinadi.
Birinchi bosqich g‘oliblari viloyat bosqichida qatnashish huquqiga ega bo‘ladi. Viloyatda birinchilikni qo‘lga kiritganlar respublika bosqichiga yo‘llanma oladi.
Musobaqaga doir boshqa xabarlarni bilish uchun Diniy idoraning muslim.uz saytini muntazam kuzatib boring.
O‘zbekiston qorilari musobaqasini yuqori saviyada, har taraflama manfaatli, xalqaro talablarga javob beradigan tarzda o‘tkazish to‘g‘risida 2017 yil 18 dekabr kuni O‘zbekiston musulmonlari idorasi Ulamolar Kengashi qaror qabul qildi va ushbu musobaqa uchun diniy idora qoshida maxsus hay’at tuzildi. Ushbu hay’at butun Respublika bo‘ylab faoliyat yuritadi.
Musobaqa haqida O‘MI qoshidagi hay’at kotibiyati bilan bog‘lanish uchun quyidagi raqamlarga murojaat qilishingiz mumkin:
+998711487770, +998998987277
Musobaqada ishtirok etmoqchi bo‘lgan har bir fuqaro o‘z viloyatidagi O‘MI vakilligiga murojaat qilib, ro‘yxatdan o‘tadi. Musobaqada ishtirok etuvchi aholisi ko‘proq bo‘lgan viloyatlarda musobaqa o‘tkaziladigan tumanlarda ham ro‘yxatga olish ishlari olib borilishi mumkin. Ro‘yxatga olish 2018 yil 1 yanvardan 10 yanvargacha ertalab soat 09:00dan kechgi soat 19:00gacha davom etadi.
O‘zbekiston Qur’oni karim qiroati musobaqasining shahar va tuman bosqichini o‘tkazish bo‘yicha
JADVAL
№ |
Viloyat va shahar nomi |
O‘tkazish joyi |
Shahar va tuman bosqichini o‘tkazish sanasi |
1. |
Jizzax viloyati |
O‘MI Jizzax viloyati vakilligi +998973257243 Botirxon Ro‘ziyev |
11-13.01.2018 |
2. |
Sirdaryo viloyati |
O‘MI Sirdaryo viloyati vakilligi +998911019820 Dilmurod Sulaymonov |
11-13.01.2018 |
3. |
Samarqand viloyati |
O‘MI Samarqand viloyati vakilligi +99893485870 Yoqubjon Mansurov |
14-16.01.2018 |
4. |
Buxoro viloyati |
O‘MI Buxoro viloyati vakilligi +998956000031 Anvarjon Nurillayev |
14-16.01.2018 |
5. |
Navoiy viloyati |
O‘MI Navoiy viloyati vakilligi +998919911555 +998939507303 Muzaffar Rahmonov |
16-18.01.2018 |
6. |
Qoraqolpog‘iston Respublikasi |
Qoraqolpog‘iston Respublikasi vakilligi +998934897670 Zulfiqor Sapashov |
19-21.01.2018 |
7. |
Xorazm viloyati |
O‘MI Xorazm viloyati vakilligi +998622284438 +998937572557 Bobojonov Hamid |
19-21.01.2018 |
8. |
Qashqadaryo viloyati |
O‘MI Qashqadaryo viloyati vakilligi +998972004716 Bobomurodov Nazrulloh hoji |
22-23.01.2018 |
9. |
Surxondaryo viloyati |
O‘MI Surxondaryo viloyati vakilligi +998912382717 Abdusalom Fathullayev |
22-23.01.2018 |
10. |
Andijon viloyati |
O‘MI Andijon viloyati vakilligi +998742280196 +998916107040 Nurulloh Qodirov |
25-27.01.2018 |
11. |
Namangan viloyati |
O‘MI Namangan viloyati vakilligi +998906429977 Obidxon Ikromov |
27-29.01.2018 |
12. |
Farg‘ona viloyati |
O‘MI Farg‘ona viloyati vakilligi +998914532870 Husniddin Tursunzoda |
29-31.01.2018 |
13. |
Toshkent viloyati |
O‘MI Toshkent viloyati vakilligi +998903482262 Sultonov Farrux |
01-02.02.2018 |
14. |
Toshkent shahri |
Toshkent shahar vakilligi +998712351733 +998974206264 +998949320022 Murodjon Kadirov |
03.04.2018 |
Ushbu jadval asosida shahar va tumanlarda saralash bosqichi o‘tkazilgach, ulardan har bir yo‘nalishning birinchi raqamli g‘oliblari viloyat bosqichida qatnashadi.
Respublika bo‘yicha viloyat bosqichlari fevral oyi ichida o‘tkazilishi rejalashtirilgan. Ularni o‘tkazish sanasi va manzili kelgusi xabarlarda e’lon qilinadi.
O‘MI Matbuot xizmati
Londonda muhim madaniy voqea bo‘lib o‘tdi: Buyuk Britaniyada ilk bor O‘zbekiston tarixi bilan bog‘liq, Islom sivilizatsiyasining oltin davrlariga oid noyob Qur’on qo‘lyozmalari va tarixiy artefaktlardan iborat kolleksiya namoyish etildi. Ushbu muqaddas yodgorliklar yillar davomida xususiy kolleksiyalar va muzeylarda saqlangan, endilikda ular o‘z diyori – O‘zbekistonga qaytmoqda.
Dunyoning mashhur Sotheby’s va Christie’s auksion uylari mezbonligida tashkil etilgan ushbu ko‘rgazmalar 2017 yilda O‘zbekiston Respublikasi Prezidenti Shavkat Mirziyoyev tomonidan BMT Bosh Assambleyasida ilgari surilgan tashabbus – Toshkentda Islom sivilizatsiyasi markazini yaratish bo‘yicha keng ko‘lamli loyihaning bir qismidir. So‘nggi yillarda milliy va xalqaro mutaxassislar tomonidan yo‘qolgan madaniy merosni izlash va aniqlash bo‘yicha keng tadqiqot ishlari olib borilmoqda.
Londondagi ikki ko‘rgazmada ilk bor xalqaro jamoatchilik e’tiboriga havola etilgan eksponatlar orasida dunyoning yetakchi olimlari, ekspertlari, mas’ul mutaxassislar, mashhur muzey va kutubxonalar vakillari va kolleksionerlari ishtirok etdi.
– O‘zbekiston Respublikasi Prezidenti ushbu madaniy-ma’rifiy mega platforma – Islom sivilizatsiyasi markazi tashabbusini ilgari surish barobarida shaxsan uning amalga oshirilishiga boshchilik qilmoqda. Tarixiy va ma’naviy durdonalarni Vatanga qaytarish bo‘yicha davlatimiz rahbarining to‘g‘ridan to‘g‘ri topshirig‘i asosida ushbu keng qamrovli loyiha amalga oshirilmoqda. Bu faqat tarixiy artefaktlarning qaytishi emas – bu xotiraning, milliy o‘zlikning va O‘zbekistonning islom merosini asrashdagi betakror rolini tan olishning timsolidir, – deya ta’kidladi Islom sivilizatsiyasi markazi direktori Firdavs Abduxoliqov ko‘rgazma ochilish marosimida.
Namoyish qilingan nodir artefaktlar orasida IX-XIII asrlarga oid Qur’on qo‘lyozmalari sahifalari, miniatyuralar, nafis zargarlik buyumlari, maishiy buyumlar, matolar va san’at asarlari bor. Ular O‘zbekistonni jahondagi muhim intellektual markazlardan biri sifatida ko‘rsatadi.
– Ushbu ko‘rgazmalar – O‘zbekiston Prezidenti shaxsiy tashabbusi bilan amalga oshirilayotgan muhim madaniy hodisa bo‘lib, yosh avlodni ilhomlantirishga qaratilgan. O‘z merosini qaytarishga yo‘naltirilgan bunday amaliy qadriyatlar madaniy uyg‘onish uchun mustahkam zamin bo‘lib xizmat qiladi, – dedi Buyuk Britaniyadagi "Al-Furqon" fondi direktori Sali Shahsivari.
Ko‘rgazmalarda taqdim etilgan eksponatlarning ko‘pchiligi 2025 yilda Sotheby’s va Christie’s auksionlarida Islom sivilizatsiyasi markazi faoliyati doirasida xarid qilingan.
Sotheby’s savdo uyining Sharq merosi bo‘yicha vakili Benedikt Karter shunday dedi:
– O‘zbekistondagi Islom sivilizatsiyasi markazi bilan hamkorlik qilish biz uchun katta sharafdir. Markaziy Osiyo tarixida alohida ahamiyatga ega bo‘lgan yodgorliklarning Vatanga qaytishiga ko‘maklashganimizdan mamnunmiz.
Toshkentning markazida 10 gektardan ortiq hududda barpo etilayotgan Islom sivilizatsiyasi markazi mintaqadagi eng yirik madaniyat va ma’rifat institutlaridan biriga aylanmoqda. Uning ekspozitsiya maydoni 8000 kvadrat metrdan oshadi. Markaz tarkibiga quyidagi besh mavzuli galereya kiradi:
"Qur’on zali"
"Islomgacha bo‘lgan meros"
"Renessansning birinchi va ikkinchi davrlari"
“Yangi O‘zbekiston”.
O‘zbekistonning Buyuk Britaniyadagi elchisi Ravshan Usmonov quyidagilarni ta’kidladi:
– Bugun O‘zbekiston o‘z tarixiy merosini tiklash va asrab-avaylash borasida ulkan sa’y-harakatlar qilmoqda. Toshkentdagi Islom sivilizatsiyasi markazi kabi tashabbuslar bu yo‘ldagi muhim qadam bo‘lib, tez orada u bilim va dinlararo muloqot mayog‘i sifatida o‘z eshiklarini ochadi. Bu bizning tarixiy o‘zligimizni anglash va uni ochiq tarannum etishga intilishimizning ifodasidir.
Londondagi ushbu ko‘rgazmalar nafaqat muhim madaniy voqea, balki tarixiy adolatning tiklanishi ifodasi bo‘ldi. Namoyish etilgan eksponatlar O‘zbekistonning islom olami intellektual markazi sifatidagi o‘rni va bugungi Yangi O‘zbekistonning madaniy-tarixiy merosni asrash, o‘rganish va targ‘ib qilish yo‘lidagi navbatdagi yutuqlarini amalda isbot etdi.
Sisc.uz