Sayt test holatida ishlamoqda!
14 Iyun, 2025   |   18 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:39
Shom
20:01
Xufton
21:39
Bismillah
14 Iyun, 2025, 18 Zulhijja, 1446

Sarhisob tanlovining Xorazm viloyat bosqichi bo‘lib o‘tdi

19.12.2017   4075   2 min.
Sarhisob tanlovining Xorazm viloyat bosqichi bo‘lib o‘tdi

Yurtimizda di­niy-ma’rifiy sohada amalga oshiri­layotgan islohot­larni keng targ‘ib etish, tinchlik va osoyishtalikni qadr­lash, dinlararo bag‘rikenglik va hamkorlik g‘oya­larini omma­lash­­ti­­rish, xalqimiz, ayniqsa, o‘sib kelayot­gan yosh avlodni yot g‘oya­lardan himoya qilishda faollik ko‘rsatgan ijodkor­lar­ni qo‘llab-quvvatlash va munosib rag‘batlantirish maq­sa­di­da «Sar­hisob» tan­lovi o‘tkazib kelinmoqda.

Shu munosabat bilan 2017 yil 15 dekabr kuni Xorazm viloyati Toshkent axborot texnologiyalari universitetining Urganch filiali anjumanlar saroyida ushbu tanlovning viloyat bosqichida 2017 yilning 1 yanvaridan 2017 yilning 1 noyabrgacha ma’naviy-ma’rifiy mavzularda gazeta va jurnallarda bosil­gan va internet tarmog‘ida e’lon qilingan maqolalar, radio orqali efirga uzatilgan eshittirishlar, televideniyedagi ko‘r­sa­­­tuvlar va tadbirlardagi ishtiroki bo‘yicha g‘oliblarni aniqlash va taqdirlash marosimi bo‘lib o‘tdi.

Tadbirda O‘zbekiston musulmonlari idorasi “Movarounnahr” nashriyoti direktori Abdul Jalil Xo‘jam, O‘zbekiston musulmonlari idorasi Xorazm viloyati vakili X. Abdullayev va bir qancha hamkor tashkilotlar vakillari ishtirok qildi. G‘oliblar quyidagi nominatsiyalar bo‘yicha aniqlandi:

Ma’naviy-ma’rifiy tadbirlardagi ishtiroki bo‘yicha Urganch shahar “Miskin bobo” masjidi imom-xatibi Qo‘ziboy Masharipov;

Internetdagi maqolalar bo‘yicha Bog‘ot tuman bosh imom-xatibi, “Darvesh bobo” masjidi imom-xatibi Rashidbek Ernazarov;

Radio orqali chiqishlar bo‘yicha Urganch shahar “Imom Faxriddin ar-Roziy” O‘MIBYU mudir o‘rinbosari, Urganch tuman “Shayidlar bobo” masjidi imom-xatibi Muzaffar Avezov;

Televideniya orqali chiqishlar bo‘yicha  O‘MI Xorazm viloyati vakili o‘rinbosari, Urganch shahar “Oxun bobo” masjidi imom-xatibi Hasanboy Kenjayev g‘olib deb topildi.

Tadbir davomida bir qancha matbuot nashrlari jamoalari va xodimlari ham o‘z yo‘nalishlari bo‘yicha g‘olib deb e’lon qilindi. G‘oliblar maxsus diplom va tashkilotchilarning qimmatbaho sov­­g‘alari bilan taqdirlandi.

 

Shuningdek, tadbirda “Movarounnahr” nashriyoti direktori Abdul Jalil Xo‘jam “Hidoyat” jurnali va “Islom nuri” gazetasiga obunani yaxshi tashkillashtirgan masjid imom-xatiblarini O‘zbekiston musulmonlari idorasi raisi, muftiy Usmonxon Alimovning tashakkurnomalari va “Movarounnahr” nashriyotining maxsus sovg‘alari bilan taqdirladi.

O‘MI Matbuot xizmati

 

O'zbekiston yangiliklari
Boshqa maqolalar

Kiyim o‘g‘irlagan tosh

13.06.2025   1198   1 min.
Kiyim o‘g‘irlagan tosh

Bismillahir Rohmanir Rohiym

Abu Hurayra roziyallohu anhu rivoyat qiladilar: Rasululloh ﷺ aytdilar:

"Albatta, Muso (alayhissalom) nihoyatda kuchli hayo egasi bo‘lib, badanini doimo yopib yuradigan kishi edi. U hayo qilgani uchun o‘z tanasidan biror joyini ochib yurmas edi. Banu Isroil orasida ba’zi kimsalar uni kamsitib: ‘U doimo o‘z tanasini yashiradi, bu – uning badani nuqsonli bo‘lgani uchun shunday qilar. Balki u abras (pes), yoki moyaksiz (odar), yoki yana biror baloga uchraganidandir’, deyishdi.

Alloh taolo esa ularning bu gap-so‘zlaridan Musoni poklashni iroda qildi.

Bir kuni Muso alayhissalom cho‘milgani bordi. Kiyimlarini tosh ustiga qo‘yib, cho‘milishga kirishdi. Suvdan chiqib, kiyimlarini olish uchun tosh oldiga qaytganida, tosh uning kiyimlarini olib qochdi.

Muso alayhissalom hassasini oldi-da, tosh ortidan quvdi va: "Ey tosh, kiyimimni qaytar! Ey tosh, kiyimimni qaytar!", der edi.

U shu holatda Banu Isroilning bir guruhiga duch keldi. Ular Musoni kiyimsiz holda ko‘rishdi – Alloh yaratganlar ichida eng chiroyli, eng sog‘lom badan egasi ekaniga guvoh bo‘lishdi.

Alloh taolo Musoni ularning gap-so‘zlaridan poklab qo‘ydi.

Tosh to‘xtashi bilan Muso alayhissalom kiyimlarini olib kiydi-da, asosi bilan toshni ura boshladi.

Payg‘ambarimiz ﷺ aytdilar: "Allohga qasamki, Muso urgan toshda uch, to‘rt yoki beshta iz qoldi (ya’ni, urilgan zarbalar izi qoldi)."

Bu borada Alloh subhanahu va taolo bunday dedi: "Ey mo‘minlar! Musoga ozor berganlar kabi bo‘lmanglar. Bas, Alloh uni ayblaridan pokladi. Va u Allohning huzurida obro‘li zot edi" (Ahzob surasi, 69-oyat).