Sayt test holatida ishlamoqda!
14 Iyun, 2025   |   18 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:39
Shom
20:01
Xufton
21:39
Bismillah
14 Iyun, 2025, 18 Zulhijja, 1446

Istanbuldagi “g‘alati” tosh masjid bilan tanishing

19.12.2017   4528   1 min.
Istanbuldagi “g‘alati” tosh masjid bilan tanishing

Turkiyaning Istanbul shahri yaqinida joylashgan Sanjaklar masjidi o‘zining noodatiy arxitektura yechimlari bilan ajralib turadi. Shu sababli ham 2012 yilda qurilgan ushbu inshoat 2013 yilda Jahon arxitektura festivalida “Yilning eng yaxshi dizayni” nominatsiyasi sohibi bo‘lgan edi.

 

Ushbu masjid Turkiyaning Emre Arolat Architects kompaniyasi tomonidan qurilgan bo‘lib, uning asosiy qismi yer ostida joylashgan.

 

 

700 kvadrat metr maydonli masjid tosh devorlar bilan barpo etilgan. Unda bir vaqtning o‘zida 650 nafar odam ibodat qilishi mumkin. Tahoratxonalar ham yer osti qismda joylshatirilgan.

 

 

Masjidning azon aytishga mo‘ljallangan minorasi ham noodatiy uslubda ishlangan.

 

 

Masjid ichida qoldirilgan tuynuk ichki tomonga quyosh nurining yaxshi tushishini ta’minlaydi. G‘orga o‘xshash masjid ibodat qilish va ko‘ngli xotirjamlik istaganlar uchun qulay qilib barpo etilgan.

 

 

Dunyo yangiliklari
Boshqa maqolalar

Kiyim o‘g‘irlagan tosh

13.06.2025   2874   1 min.
Kiyim o‘g‘irlagan tosh

Abu Hurayra roziyallohu anhu rivoyat qiladilar: Rasululloh ﷺ aytdilar:

"Albatta, Muso (alayhissalom) nihoyatda kuchli hayo egasi bo‘lib, badanini doimo yopib yuradigan kishi edi. U hayo qilgani uchun o‘z tanasidan biror joyini ochib yurmas edi. Banu Isroil orasida ba’zi kimsalar uni kamsitib: ‘U doimo o‘z tanasini yashiradi, bu – uning badani nuqsonli bo‘lgani uchun shunday qilar. Balki u abras (pes), yoki moyaksiz (odar), yoki yana biror baloga uchraganidandir’, deyishdi.

Alloh taolo esa ularning bu gap-so‘zlaridan Musoni poklashni iroda qildi.

Bir kuni Muso alayhissalom cho‘milgani bordi. Kiyimlarini tosh ustiga qo‘yib, cho‘milishga kirishdi. Suvdan chiqib, kiyimlarini olish uchun tosh oldiga qaytganida, tosh uning kiyimlarini olib qochdi.

Muso alayhissalom hassasini oldi-da, tosh ortidan quvdi va: "Ey tosh, kiyimimni qaytar! Ey tosh, kiyimimni qaytar!", der edi.

U shu holatda Banu Isroilning bir guruhiga duch keldi. Ular Musoni kiyimsiz holda ko‘rishdi – Alloh yaratganlar ichida eng chiroyli, eng sog‘lom badan egasi ekaniga guvoh bo‘lishdi.

Alloh taolo Musoni ularning gap-so‘zlaridan poklab qo‘ydi.

Tosh to‘xtashi bilan Muso alayhissalom kiyimlarini olib kiydi-da, asosi bilan toshni ura boshladi.

Payg‘ambarimiz ﷺ aytdilar: "Allohga qasamki, Muso urgan toshda uch, to‘rt yoki beshta iz qoldi (ya’ni, urilgan zarbalar izi qoldi)."

Bu borada Alloh subhanahu va taolo bunday dedi: "Ey mo‘minlar! Musoga ozor berganlar kabi bo‘lmanglar. Bas, Alloh uni ayblaridan pokladi. Va u Allohning huzurida obro‘li zot edi" (Ahzob surasi, 69-oyat).