Sayt test holatida ishlamoqda!
15 Iyun, 2025   |   19 Zulhijja, 1446

Toshkent shahri
Tong
03:04
Quyosh
04:49
Peshin
12:29
Asr
17:39
Shom
20:01
Xufton
21:39
Bismillah
15 Iyun, 2025, 19 Zulhijja, 1446

O‘zbekiston delegatsiyasi indoneziyaliklarni Buxoroi sharifga taklif qildi

18.12.2017   4326   1 min.
O‘zbekiston delegatsiyasi indoneziyaliklarni Buxoroi sharifga taklif qildi

Avvalroq, O‘zbekiston delegatsiyasining Malayziyada ziyorat turizmi sohasida hamkorlikni rivojlantirish bo‘yicha muzokaralarda ishtirok etayotgani haqida ma’lumot bergan edik.

 

Delegatsiyamiz a’zolari endilikda Indoneziya Respublikasiga tashrif buyurdilar. Ushbu mamlakatda ham ziyorat turizmi sohasida uchrashuvlar tashkil etilishi ko‘zda tutilgan bo‘lib, ularning dastlabkisi naqshbandiya tariqati namoyondalari bilan bo‘lib o‘tdi.

 

Indoneziyadagi naqshbandiya tariqatining xolidiya shoxobchasi shayxi Irfoiy va Qasrul Orifon madrasasi ustozlari bilan O‘zbekistondagi 12 silsilatul aliyya ziyoratini tashkil qilish bo‘yicha kelishib olindi.

 

O‘MI Matbuot xizmati

O'zbekiston yangiliklari
Boshqa maqolalar

Kiyim o‘g‘irlagan tosh

13.06.2025   4151   1 min.
Kiyim o‘g‘irlagan tosh

Abu Hurayra roziyallohu anhu rivoyat qiladilar: Rasululloh ﷺ aytdilar:

"Albatta, Muso (alayhissalom) nihoyatda kuchli hayo egasi bo‘lib, badanini doimo yopib yuradigan kishi edi. U hayo qilgani uchun o‘z tanasidan biror joyini ochib yurmas edi. Banu Isroil orasida ba’zi kimsalar uni kamsitib: ‘U doimo o‘z tanasini yashiradi, bu – uning badani nuqsonli bo‘lgani uchun shunday qilar. Balki u abras (pes), yoki moyaksiz (odar), yoki yana biror baloga uchraganidandir’, deyishdi.

Alloh taolo esa ularning bu gap-so‘zlaridan Musoni poklashni iroda qildi.

Bir kuni Muso alayhissalom cho‘milgani bordi. Kiyimlarini tosh ustiga qo‘yib, cho‘milishga kirishdi. Suvdan chiqib, kiyimlarini olish uchun tosh oldiga qaytganida, tosh uning kiyimlarini olib qochdi.

Muso alayhissalom hassasini oldi-da, tosh ortidan quvdi va: "Ey tosh, kiyimimni qaytar! Ey tosh, kiyimimni qaytar!", der edi.

U shu holatda Banu Isroilning bir guruhiga duch keldi. Ular Musoni kiyimsiz holda ko‘rishdi – Alloh yaratganlar ichida eng chiroyli, eng sog‘lom badan egasi ekaniga guvoh bo‘lishdi.

Alloh taolo Musoni ularning gap-so‘zlaridan poklab qo‘ydi.

Tosh to‘xtashi bilan Muso alayhissalom kiyimlarini olib kiydi-da, asosi bilan toshni ura boshladi.

Payg‘ambarimiz ﷺ aytdilar: "Allohga qasamki, Muso urgan toshda uch, to‘rt yoki beshta iz qoldi (ya’ni, urilgan zarbalar izi qoldi)."

Bu borada Alloh subhanahu va taolo bunday dedi: "Ey mo‘minlar! Musoga ozor berganlar kabi bo‘lmanglar. Bas, Alloh uni ayblaridan pokladi. Va u Allohning huzurida obro‘li zot edi" (Ahzob surasi, 69-oyat).