Aholi, xususan, yoshlar o‘rtasida kitob mutolaasi va kitobxonlik madaniyatini oshirishga ko‘maklashish maqsadida  Chirchiq shahridagi “Markaziy” jome masjidi qoshida kitob do‘koni faoliyat boshladi.

 

Do‘konda kitobsevar aholi talablarini qondirishga xizmat qiluvchi diniy-ma’rifiy, tarbiyaviy va badiiy adabiyotlar mavjud.

Toshkent viloyati bosh imom-xatibi Xayrulloh Turmatov domla kitob do‘konining ochilish marosimida ishtirok etib, kitob insonning chin do‘sti, hayot yo‘lini yorituvchi shamchirog‘i ekanini aytdi va ushbu do‘kon xalq uchun manfaatli va barakotli bo‘lishini Alloh taolodan so‘rab duo qildi.

O‘MI Matbuot xizmati