Madinada ibodat va ziyoratni ado etgan ziyoratchilarimiz Zulhulayfada umrani niyat qilib, “Labbayka”ni aytib, Makkai mukarramaga yo‘l oldilar.

Safar davomida guruh rahbarlari – tajribali imomlar ma’naviy suhbatlar o‘tkazishdi, ziyoratchilar esa duo va zikrlar bilan mashg‘ul bo‘ldilar.

Makkaga yetgach, ular “Allohning mehmonlari” sifatida iliq kutib olindi. Mehmonxonaga joylashgach, ular uchun tayyorlab qo‘yilgan kechki ovqatni tanovvul qildilar. So‘ngra umra amalini bajarish uchun Baytulloh sari yo‘l olishdi. 

Alloh taolo ziyoratchilarimizning ibodatlarini qabul etsin, barchamizga Baytulloh yonida duo qilish nasib etsin!

O‘zbekiston musulmonlari idorasi 
Matbuot xizmati