26 Октябр, 2026, 15 Жумадул аввал, 1448
26 Октябр, 2026, 15 Жумадул аввал, 1448
Бугун, 2 октябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Тошкент вилояти Бўстонлиқ туманидаги "Мушки анбар" жоме масжидида жума намозини мўмин-мусулмонлар билан бирга адо этдилар.
Жамоат намозидан аввалги мавъизада исломнинг энг гўзал хулқи бўлмиш ҳаё ва иффат, маънавий поклик ҳамда бугунги куннинг долзарб ижтимоий масалалари ҳақида таъсирли суҳбат қилинди.
Муфтий ҳазратлари Пайғамбаримиз алайҳиссаломнинг: “Ҳаё имондандир, имоннинг жойи эса жаннатдир. Беҳаёлик эса жафодандир, жафонинг жойи дўзахдадир”, деган муборак ҳадисларини келтириб, жаннатдан умидвор ҳар бир мўмин ҳаёни ўзига шиор қилиши лозимлигини таъкидладилар. Ҳаё – инсонни ёмонлик ва гуноҳлардан тўсиб турувчи энг гўзал зийнатдир.
Суҳбат давомида интернетдаги беҳаёликлар ва гуноҳ ишларни оддий ҳазил сифатида талқин қилишнинг оғир оқибатлари тушунтирилди. Қуръони каримдаги: “Албатта, имон келтирган кишилар орасида бузуқликлар тарқалишини хуш кўрадиган кимсалар учун дунёда ҳам, охиратда ҳам аламли азоб бордир” ("Нур" сураси, 19-оят), деган қатъий огоҳлантириш эслатилиб, бундай иллатлар ёшлар қалбини кўр қилиб, оилалар емирилишига сабаб бўлаётгани айтилди.
Шунингдек, жамиятдаги зарарли иллатлар ва уларнинг муолажаси ҳақида ҳам сўз юритилди.
Якунда юртимиз тинчлиги ва халқимиз фаровонлигини сўраб хайрли дуолар қилинди.
Ўзбекистон мусулмонлари идораси Матбуот хизмати
Самарқанд вилоятидан 40 дан ортиқ имом-хатиб Ўзбекистондаги Ислом цивилизацияси марказига ташриф буюриб, унинг илмий-маърифий фаолияти, тарихий экспозициялари ва аждодларимиздан қолган бой меросни ўрганиш имкониятлари билан танишди, хабар бермоқда iccu.uz.
«Учинчи Ренессанс чорраҳаси» мавзуси доирасида ташкил этилган ташриф давомида меҳмонларга ислом цивилизациясининг шаклланиши ва тараққиёти, турли даврларда илм-фан, таълим, маърифат ва маданият соҳаларида эришилган ютуқлар ҳақида маълумот берилди. Экспозициялар орқали улар тарихий жараёнлар, ноёб манбалар ва буюк алломаларнинг жаҳон цивилизацияси ривожига қўшган ҳиссаси билан яқиндан танишди.
Булунғур туманидаги Исори Ўрокли жоме масжиди ноиб имоми Илҳомжон Мардиев Марказда кўрганлари унда катта таассурот қолдирганини таъкидлади. Унинг айтишича, экспозициялар нафақат аждодлар меросини, балки мамлакатимиздаги бугунги ўзгаришларни ҳам чуқурроқ англаш имконини берди.
«Бу ерга аввалроқ келмаганимга афсусландим. Таассуротларим жуда катта. Ибтидоий жамоа тузумидан бугунги кунгача бўлган тарихий жараёнлар билан танишиб, кўплаб янги маълумотларга эга бўлдим, десам хато бўлмайди. Боболаримиз тарихи, Биринчи ва Иккинчи Ренессанс даврлари, айниқса, бугунги ўзгаришлар ҳақидаги экспозициялар мени жуда таъсирлантирди. Давлатимиз раҳбари ташаббуси билан амалга оширилаётган ишларга алоҳида ҳавас билан қарадим.
Марказни кўриб, жамоатимизни ҳам бу ерга олиб келиш нияти туғилди. Худо хоҳласа, яқин кунларда масжидимиз жамоаси билан келиб, экспозицияларни яна бир бор кўришни режалаштиряпман. Бу — қайта-қайта келишга арзийдиган мажмуа. Барчага бу ерга ташриф буюришни тавсия қиламан.
Бугун мамлакатимиздаги тараққиёт биз кутганимиздан ҳам жадал кечаётганини кўриш мумкин. Бу ишларга ҳисса қўшаётган барчага, хусусан, давлатимиз раҳбарига миннатдорлик билдираман», — деди Илҳомжон Мардиев.
Ўзбекистондаги Ислом цивилизацияси маркази тарихий меросни кенг жамоатчиликка етказиш, аждодларимизнинг илмий-маънавий ютуқларини ўрганиш ва уларни бугунги авлод билан боғлашга хизмат қилмоқда. Самарқандлик имом-хатибнинг ўз жамоатини ҳам Марказга олиб келиш нияти эса бундай ташрифларнинг маърифий аҳамиятини яна бир бор кўрсатади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 