Sayt test holatida ishlamoqda!
29 Aprel, 2025   |   1 Zulqa`da, 1446

Toshkent shahri
Tong
03:55
Quyosh
05:23
Peshin
12:25
Asr
17:15
Shom
19:21
Xufton
20:44
Bismillah
29 Aprel, 2025, 1 Zulqa`da, 1446
Maqolalar

G‘aflatda qolmang! salavot ayting

27.11.2017   12031   3 min.
G‘aflatda qolmang! salavot ayting

Bismillahir Rohmanir Rohiym

«Biz Seni faqat olamlarga rahmat qilib yubordik ...» deb marhamat qilgan hamda O‘zining hidoyatiga boshlagan, ummati Muhammad qilgan Alloh taologa cheksiz hamdu sanolar bo‘lsin.

“Avvalgi Payg‘ambarlar o‘z qavmlarigagina yuborilar edilar. Men esa hammaga barobar Payg‘ambar qilib yuborilganman” degan habibimiz va shafoatchimiz Muhammad Mustafo sollallohu alayhi vasallamga batamom salavotu salomlar bo‘lsin.

SALAVOT AYTING! ALLOH TAOLO VA FARISHTALAR PAYG‘AMBARIMIZ SOLLALLOHU ALAYHI VASALLAMGA SALAVOT AYTADILAR.

«Albatta, Alloh va Uning farishtalari Payg‘ambarga salavot ayturlar. Ey, mo‘minlar! (Sizlar ham) unga salavot va salom aytingiz!», (Ahzob surasi, 56-oyat).

ALLOHUMMA SOLLI VA SALLIM ’ALA MUHAMMADIN VA ’ALA OLI MUHAMMAD.

SALAVOT AYTING! BAXIL BO‘LMAYSIZ.

Rasululloh sollallohu alayhi vasallam: “Huzurida zikr qilinsam, menga salavot yo‘llamagan kishi baxildir”, dedilar (Imom Termiziy, Imom Ahmad rivoyati).

Abu Hurayra roziyallohu anhudan rivoyat qilinadi: Rasululloh sollallohu alayhi vasallam: “Kimning oldida zikr qilinsam-u, menga salavot aytmasa, burni yerga ishqalansin”, deganlar (Imom Termiziy rivoyati).

ALLOHUMMA SOLLI VA SALLIM ’ALA MUHAMMADIN VA ’ALA OLI MUHAMMAD.

SALAVOT AYTING! DUOINGIZ QABUL BO‘LADI.

Anas roziyallohu anhudan rivoyat qilinadi: Rasululloh sollallohu alayhi vasallam: “Har bir duo Payg‘ambarga salavot aytilmaguncha, osmon o‘rtasidagi parda tufayli yerda to‘xtab turadi, salavot aytilsa, o‘sha parda ko‘tariladi”, dedilar.  

ALLOHUMMA SOLLI VA SALLIM ’ALA MUHAMMADIN VA ’ALA OLI MUHAMMAD.

SALAVOT AYTING! RASULULLOH SOLLALLOHU ALAYHI VASALLAMNING SHAFOATLARIGA ERISHASIZ.

Anas  roziyallohu anhudan rivoyat qilinadi: Nabiy sollallohu alayhi vasallam: “Menga juma kunida va juma kechasida ko‘p salavot aytinglar, bas kim shunday qilsa, men unga qiyomat kuni guvoh  va shafoatchi  bo‘laman”, dedilar (Imom Bayhaqiy rivoyati).

ALLOHUMMA SOLLI VA SALLIM ’ALA MUHAMMADIN VA ’ALA OLI MUHAMMAD.

SALAVOT AYTING! RASULULLOH SOLLALLOHU ALAYHI VASALLAMGA YAQIN BO‘LASIZ.

Abdulloh roziyallohu anhudan rivoyat qilinadi. Nabiy sollallohu alayhi vasallam: “Qiyomat kuni menga eng yaqin kishilar, albatta, menga ko‘p salavot aytganlardir”, dedilar (Imom Termiziy rivoyati).

ALLOHUMMA SOLLI VA SALLIM ’ALA MUHAMMADIN VA ’ALA OLI MUHAMMAD.

SALAVOT AYTING! ALLOH TAOLO GUNOHINGIZNI MAG‘FIRAT ETADI, DARAJANGIZNI KO‘TARADI.             

Anas ibn Molik (roziyallohu anhu)dan rivoyat qilinadi. Rasululloh (sollallohu alayhi va sallam): “Kim menga bir marta salavot aytsa, Alloh unga o‘n marta salavot aytadi. Uning o‘nta gunohi o‘chiriladi. O‘n daraja yuksaltiriladi”, dedilar (Imom Nasoiy rivoyati).

ALLOHUMMA SOLLI VA SALLIM ’ALA MUHAMMADIN VA ’ALA OLI MUHAMMAD.

SALAVOT AYTING! RASULULLOH SOLLALLOHU ALAYHI VASALLAM SIZNI ESHITADILAR.

Abdulloh ibn Abu Vafo roziyallohu anhudan rivoyat qilinadi: Nabiy sollallohu alayhi vasallam: “Juma kuni menga salavotni ko‘paytiringlar. Albatta, menga yetkaziladi va men eshitaman”, dedilar (Imom Ibn Moja rivoyati).

ALLOHUMMA SOLLI VA SALLIM ’ALA MUHAMMADIN VA ’ALA OLI MUHAMMAD.

SALAVOT AYTING!  Har duoning avvali va oxirida.

SALAVOT AYTING! Rasululloh sollallohu alayhi va sallamning ismlarini aytganda va eshitganda.

SALAVOT AYTING! Janoza namozining ikkinchi takbiridan keyin.

SALAVOT AYTING! Masjidga kirayotganda va chiqayotganda.

SALAVOT AYTING! Boshga mushkul tushganda va xursandchilikda

SALAVOT AYTING! Uyquga yotishdan oldin.

SALAVOT AYTING! Qur’oni karimni xatm qilgandan keyin.

ALLOHUMMA SOLLI VA SALLIM ’ALA MUHAMMADIN VA ’ALA OLI MUHAMMAD.

Maqolalar
Boshqa maqolalar

Rasululloh ﷺ kimning haqqiga 3 marta duo qilganlar?

25.04.2025   8328   2 min.
Rasululloh ﷺ kimning haqqiga 3 marta duo qilganlar?

Savol: Rasululloh sollallohu alayhi vasallam barcha musulmonlarning haqqiga duo qilganlar. U zot biz haqimizda o‘zimizdan ko‘ra ko‘proq qayg‘urganlar va bizni o‘zimizdan ham ko‘proq sevganlar. Biroq, Rasululloh sollallohu alayhi vasallam alohida duo qilgan mo‘minlar toifasi bor. Ular kimlar va nima uchun ularning haqqiga Rasululloh sollallohu alayhi vasallam 3 marta duo qilganlar?

 

Javob:

عَنِ الْعِرْبَاضِ بْنِ سَارِيَةَ رَضِي اللهُ عَنْهُ أَنَّ النَّبِيَّ صَلَي الله عَلَيْهِ وَسَلَّم كَانَ يُصَلِّي عَلَى الصَّفِّ الْأَوَّلِ ثَلَاثًا وَعَلَى الثَّانِي وَاحِدَةً. )رَوَاهُ النَّسَائِيُّ.(

Irboz ibn Soriya roziyallohu anhudan rivoyat qilinadi. “Nabiy sollallohu alayhi vasallam birinchi safga uch marta, ikkinchi safga bir marta salavot aytar edilar” (Imom Nasoiy rivoyati).

Payg‘ambarimiz sollallohu alayhi vasallamning salavot aytishlari bu – duo qilishlari. Rasululloh sollallohu alayhi vasallam birinchi safdagilarning haqqiga 3 bora, ikkinchi safdagilarni esa 1 marta duo qilganlar.

 

عَنِ الْبَرَاءِ رَضِي اللهُ عَنْهُ، عَنِ النَّبِيِّ صَلَي الله عَلَيْهِ وَسَلَّم قَالَ: إِنَّ اللهَ وَمَلَائِكَتَهُ يُصَلُّونَ عَلَى الَّذِينَ يَصِلُونَ الصُّفُوفَ الْأُوَلَ، وَمَا مِنْ خَطْوَةٍ أَحَبَّ إِلَى اللهِ مِنْ خُطْوَةٍ يَمْشِيهَا الْعَبْدُ يَصِلُ بِهَا صَفًّا .)رَوَاهُ أَبُو دَاوُدَ وَالنَّسَائِيُّ.(

Baro roziyallohu anhudan rivoyat qilinadi. Nabiy sollallohu alayhi vasallam: “Albatta, Alloh taolo va Uning farishtalari birinchi saflarni to‘ldiruvchilarga salavot aytadilar. Alloh taolo uchun bandaning safni to‘ldirish uchun bosgan qadamidan ko‘ra mahbubroq qadam yo‘qdir”, dedilar (Abu Dovud, Nasoiy rivoyati).

Alloh taoloning salavoti bu – rahmat, farishtalarniki esa, istig‘fordir. Qolaversa, birinchi safni to‘ldirish uchun tashlangan qadamlar – Allohga eng sevimli qadam sanaladi. Birinchi safga bundan ortiq targ‘ib bo‘lmasa kerak.

Demak, birinchi yoki ikkinchi safda bo‘lishga harakat qilish lozim ekan.

Davron NURMUHAMMAD