Muborak Ramazon oyining dastlabki 20 kunida Makkadagi Masjidul Haromga 22 milliondan ortiq ziyoratchilar tashrif buyurdi, deb yozadi Islam News Al Arabiya telekanaliga tayanib.
Ikki Muqaddas Masjidlar Bosh boshqarmasi boshlig'i Shayx Abdurrahmon as-Sudaysning so'zlariga ko'ra, bunday keng ko'lamli ziyoratchilar oqimini kutib olish va kuzatish mutaxassislar tomonidan oldindan ko'rilgan yuqori tayyorgarlik tufayli amalga oshirildi.
Tezkor reja doirasida 4000 nafar ishchi Masjidul Haromni kuniga 10 marta tozalash ishlarini olib bordi. Yana 70 nafar ishchi guruhi masjid hududini kechayu kunduz antiseptik moddalar bilan dezinfektsiya qildi. Masjid atrofida va uning radiusida 8000 ga yaqin transport vositalari, jumladan 3000 ta elektr transport vositalari harakatlandi, 90 nafar muhandis-texnik xodimlar binoning 200 ta eskalatori va 14 ta liftining holatini yaxshilash bo'yicha ish olib bordi.
O'MI Matbuot xizmati
#xabar #haj2025
Shu kunlarda Makkai mukarramada haj amallarini ado etishga tayyorgarlik ko‘rayotgan ziyoratchilar uchun taniqli ulamolar, imom-domlalar bilan bir qatorda mutaxassis va otinoyilar tomonidan ham ma’rifiy suhbatlar uzviy davom ettirilmoqda.
Jumladan, O‘zbekiston musulmonlari idorasi Xotin-qizlar masalalari bo‘yicha bo‘lim xodimi Munira Abubakirova va Toshkent shahar Yangihayot tumani bosh imom-xatibining xotin-qizlar masalalari bo‘yicha yordamchisi Sijoat Sharipova yurtimizning har bir hududidan kelgan ayol ziyoratchilar ishtirokida suhbatlar o‘tkazmoqda.
Shuningdek, oliy toifali shifokor Muhabbat Saatova ham tibbiy maslahatlar bermoqda.
Ma’rifiy uchrashuvlarda muborak zaminda toat-ibodat, duoyu zikr va ziyorat bilan mashg‘ul bo‘lib turgan diyorimiz ayollariga haj ibodati ruknlari, fazilatlari va safarda ayollarga oid tibbiy masalalar ham atroflicha tushuntirilmoqda. Ularni qiziqtirgan savollarga javoblar berilmoqda.
O‘zbekiston musulmonlari idorasi
Matbuot xizmati