Janubiy Koreya Respublikasi o‘zining texnologiyalar sohasidagi taraqqiyoti bilan dunyoga mashhur. 

Koreys madaniyatini namoyish etuvchi seriallar va filmlarni tomosha qilganimizda ushbu mamlakatda buddaviylik ta’limoti keng yoyilganining guvohi bo‘lamiz. 

Biroq Janubiy Koreyada 100 ming nafarga yaqin musulmonlar istiqomat qiladi. Ushbu miqdor o‘z ichiga xorijliklarni ham olsada, koreys millatiga mansub bo‘lgan musulmonlar ham talaygina. 

Imom Rahmon Li Ju-Hva Islom dini bilan 1984 yilda tanishgan. U do‘stlari orasida nega spirtli ichimlik iste’mol qilmasligini bugun tushuntirib o‘tirmaydi. Sababi uning do‘stlari uning e’tiqodi haqida tushunchalarga ega bo‘lganlar. 

Imom Rahmon Janubiy Koreyada musulmonlar katta qarshilikka duch kelganlarini eslaydi. Bir vaqtlar masjidlar politsiya tomonidan himoya qilingan. 

Janubiy Koreya turizm qo‘mitasining xabariga ko‘ra, mamlakatga har yili 1,2 million nafar musulsonlar tashrif buyuradi. Bu esa mamlakatda “Halol” sertifikatlash tizimining qabul qilingani bilan izohlanadi.

Ma’lumotlarga ko‘ra, Koreya yarim oroliga Islom dini 9 asrda musulmon savdogarlari bilan kirib kelgan.

Keyinroq esa, 1950-1953 yillarda bo‘lib o‘tgan Koreya urushi davrida turklarning Janubiy Koreya tomonida urush olib borgani musulmonlarning salmog‘i ortishiga sabab bo‘lgan.

1976 yilda Seulda Itayevon masjidi quriladi. Ushbu masjid qurilishi Malayziya hukumati tomonidan qo‘llab-quvvatlangan. 

Koreya urushi yillarida turk askarlari tomonidan o‘nta masjid bunyod etilgan.

 O‘MI matbuot xizmati