Sayt test holatida ishlamoqda!
15 Iyun, 2025   |   19 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:04
Quyosh
04:49
Peshin
12:29
Asr
17:39
Shom
20:01
Xufton
21:39
Bismillah
15 Iyun, 2025, 19 Zulhijja, 1446
Avvalgi sayt
#search
 YouTube

“Yil imomi-2017” ko‘rik tanlovi Respublika bosqichi boshlandi (fotolavha)

08.11.2017   5742   1 min.
“Yil imomi-2017” ko‘rik tanlovi Respublika bosqichi boshlandi (fotolavha)

An’anaga sodiq qolgan holda bugungi tadbirimiz ham Qur’oni karim tilovati va duolar bilan boshlanib, duo qilindi.

Bugungi kun imom-xatibi ham diniy ham dunyoviy bilimlar sohibi bo‘lishi, dunyoda yuz berayotgan voqe’likdan xabardor bo‘lib, xalqni ezgulik va birdamlikka chaqirishi,  haq bilan botilni ajratib berishi,  ikki dunyo saodatiga chorlovchi ma’rifat peshvosi bo‘lishi davrning talabidir. Shuningdek, hozirgi paytda islom dini niqobi ostida ro‘y berayotgan urush va to‘qnashuvlar, fitna-fasodlar, buzg‘unchi g‘oyalarning nayranglari iskanjasidan tinch aholini islom diniga bo‘lgan etiqodini to‘g‘rilash, ularga haq yo‘lni ko‘rsatib berish ham ularning asosiy vazifalaridir.

Bu yil ham ana shunday faol va iqtidorli imom-xatiblarimiz tuman va viloyat bosqichida g‘oliblikni qo‘lga kiritib, ko‘rik tanlovning respublika bosqichiga ishtirok etishmoqda.

Tanlov 70 ballik tizimda olib boriladi. Ishtirokchilar avvalo raqamlar yozilgan qog‘ozlarni tortib, o‘z chiqish navbatlarini raqamlar tartibida aniqlab oladi. Shundan so‘ng, tartib bo‘yicha chiqib hakamlar hay’ati stolidan savollar solingan konvertlardan birini olib, maxsus ajratilgan joyga o‘tirib, undagi bilet raqamini e’lon qiladi va savollarni birma-bir o‘qib javob beradi.

Hakamlar hay’ati har bir savolga berilgan javob uchun maksimum 10 ball, minimum 2 ball qo‘yishlari mumkin.

Videolarni ko‘rish uchun quyidagi linkni bosing:

Video 1

Video 2

Bizni kuzatishda davom eting.

Telegramdagi kanalimizda ham voqealar rivoji bilan tezkor tanishib borishingiz mumkin.

O'zbekiston yangiliklari
Boshqa maqolalar

Kiyim o‘g‘irlagan tosh

13.06.2025   4323   1 min.
Kiyim o‘g‘irlagan tosh

Abu Hurayra roziyallohu anhu rivoyat qiladilar: Rasululloh ﷺ aytdilar:

"Albatta, Muso (alayhissalom) nihoyatda kuchli hayo egasi bo‘lib, badanini doimo yopib yuradigan kishi edi. U hayo qilgani uchun o‘z tanasidan biror joyini ochib yurmas edi. Banu Isroil orasida ba’zi kimsalar uni kamsitib: ‘U doimo o‘z tanasini yashiradi, bu – uning badani nuqsonli bo‘lgani uchun shunday qilar. Balki u abras (pes), yoki moyaksiz (odar), yoki yana biror baloga uchraganidandir’, deyishdi.

Alloh taolo esa ularning bu gap-so‘zlaridan Musoni poklashni iroda qildi.

Bir kuni Muso alayhissalom cho‘milgani bordi. Kiyimlarini tosh ustiga qo‘yib, cho‘milishga kirishdi. Suvdan chiqib, kiyimlarini olish uchun tosh oldiga qaytganida, tosh uning kiyimlarini olib qochdi.

Muso alayhissalom hassasini oldi-da, tosh ortidan quvdi va: "Ey tosh, kiyimimni qaytar! Ey tosh, kiyimimni qaytar!", der edi.

U shu holatda Banu Isroilning bir guruhiga duch keldi. Ular Musoni kiyimsiz holda ko‘rishdi – Alloh yaratganlar ichida eng chiroyli, eng sog‘lom badan egasi ekaniga guvoh bo‘lishdi.

Alloh taolo Musoni ularning gap-so‘zlaridan poklab qo‘ydi.

Tosh to‘xtashi bilan Muso alayhissalom kiyimlarini olib kiydi-da, asosi bilan toshni ura boshladi.

Payg‘ambarimiz ﷺ aytdilar: "Allohga qasamki, Muso urgan toshda uch, to‘rt yoki beshta iz qoldi (ya’ni, urilgan zarbalar izi qoldi)."

Bu borada Alloh subhanahu va taolo bunday dedi: "Ey mo‘minlar! Musoga ozor berganlar kabi bo‘lmanglar. Bas, Alloh uni ayblaridan pokladi. Va u Allohning huzurida obro‘li zot edi" (Ahzob surasi, 69-oyat).