Musiqa qadimgi davrlardayoq paydo bo‘lib yuzyilliklar osha takomillashib kelgan esa-da, uning yanada ravnaq topishiga O‘rta Sharq musulmonlari katta hissa qo‘shgan. Masalan, musulmon sozandalar Yevropaga olib borgan ud sozi skripkaning ixtiro qilinishiga sabab bo‘lgan. Bundan tashqari, asrlar davomida keng qo‘llanib kelinayotgan nota yozuvlari ham arab alifbosi asosida yaratilgan.
Robiya JO‘RAQULOVA
Dinimiz inson hayotining faqat ma’naviy va ruhiy kamolotiga emas, balki uning jismoniy salomatligiga ham katta ahamiyat qaratgan. Insonning e’tiqodi mustahkam bo‘lishi bilan birga, uning tani sog‘lom, jismi baquvvat va har qanday mashaqqatlarga bardoshli bo‘lishi ham muhimdir. Hadisi sharifda: "Kuchli mo‘min Alloh huzurida kuchsiz mo‘mindan yaxshiroq va mahbubroqdir", deyilgan.
O‘zbekiston musulmonlari idorasi Farg‘ona viloyati vakilligi tashabbusi bilan viloyatda faoliyat yuritayotgan imom-xatib va imom-noiblari o‘rtasida sportning eng ommaviy turlaridan biri – futbol bo‘yicha "Farg‘ona viloyati vakilligi kubogi" musobaqasi o‘tkazildi.
Dastlab, mazkur musobaqaning tumanlararo saralash bosqichi bo‘lib o‘tdi. Saralash bosqichini muvaffaqiyatli tugatib, so‘nggi bosqichga yo‘l olgan Bag‘dod-Toshloq, Quvasoy-Dang‘ara jamoalari g‘oliblik uchun maydonda bellashdilar.
Yakuniy natijalar ko‘ra, 1-o‘rin Dang‘ara tumani, 2-o‘rin Quvasoy shahri, 3-o‘rin esa Bag‘dod tumani jamoalariga nasib qildi.
G‘oliblarga qimmatbaho sovg‘alar topshirildi.
Farg‘ona viloyati vakilligi
Matbuot xizmati