Dog‘iston poytaxti Maxachkalada Rossiyadagi eng katta muzey ish boshlaydi.
“Rossiya – mening tarixim” nomli ushbu muzey joriy yilning 1 oktyabrida ochiladi.
Dog‘iston rahbari Ramazon Abdulatipov Rossiya Federatsiyasi Prezidenti idorasi ichki siyosat ishlari bo‘yicha bosh maslahatchisi Roman Balashov va Ijtimoiy loyihalar Fondi direktori Ivan Yesin bilan yangi muzey ochilishi, yangi loyihani tadbiq etish va u bilan bog‘liq masalalarni hal etish yo‘llarini muhokama qilishdi.
Dog‘iston rahbari Ramazon Abdulatipov muzeyda o‘lkaning tarixini butunligicha yorituvchi bo‘lim bo‘lishi kerakligini ham alohida ta’kidlab o‘tdi.
Xalqaro aloqalar bo‘limi
Albert Enshteyn dars o‘tish jarayonida to‘qqiz masalani to‘g‘ri yozib, o‘ninchisining javobini atay xato chiqardi. Sinfda o‘tirganlar kulib yubordi. Shunda Enshteyn ham qo‘shilib kulib qo‘ydi va so‘zida davom etdi:
“Men to‘qqiz masalani to‘g‘ri yozganimda hech kim meni tabriklamadi. Ammo birgina xato qilganimda hamma kulib yubordi. Hayotda juda ko‘p odam voqea-hodisalarga, kishilarning tutumlariga shunday yondashadi. Ya’ni, o‘zidan boshqalarning yutug‘ini nazardan qochirib, xatosini tez ko‘rishadi. O‘ziga nisbatan esa, unday emas... Sizlarga bu masalani atay xato ishlab ko‘rsatishimdan maqsad, ertangi hayotingizda ana shunday vaziyatlarga to‘g‘ri yondashing. Zero, xato qilmaydigan yagona odam bu – hech narsa qilmaydigan odamdir”.
Darhaqiqat, biz ojiz bandalar Allohning huzurida qancha xatolar, gunoh ishlar qilamiz va Uning mag‘firatidan umidvor bo‘lamiz. Lekin bir inson xato qilsa tezda qo‘limizni bigiz qilib ko‘rsatamiz. Ayniqsa, bizga nisbatan nimadir sodir etib qo‘ysa, kechirmaymiz. Jag‘imiz tolguncha shikoyat qilaveramiz. Bu sinovli, o‘tkinchi dunyoda yondashuvimizni to‘g‘rilab olaylik, azizlar! Shunda yashash ham osonlashadi, halovatimiz ham yo‘qolmaydi...
Akbarshoh Rasulov