Joriy yilning 2 sentyabr kuni Makka va Madina shaharlarida "Haj -2016" ishchi guruh shtabida ishchi guruh a’zolari va guruh rahbarlari ishtirokida yig‘ilish bo‘lib o‘tdi. Unda muhtaram Prezidentimiz rahnamoligida diniy sohada amalga oshirilgan buyuk ishlar va ulkan yutuqlar haqida to‘xtalib o‘tildi hamda Yurtboshimizning oila a’zolariga, yaqinlariga va butun xalqimizga ta’ziya izhor qilindi va samimiy hamdardlik bildirib o‘tildi. Hozirda Makka va Madina shaharlarida bo‘lib turgan hojilarimiz ushbu judolikni chuqur qayg‘u bilan qabul qildilar.
Muhtaram Yurtboshimizning vafotlari munosabati bilan 3 sentyabr kuni peshin namozidan so‘ng Madina va Makka shaharlarida g‘oibona janoza namozi o‘qildi. Unda yurtdoshlarimiz Prezidentimiz oxiratlari obod bo‘lishi, joylari jannatdan bo‘lishini Yaratgandan so‘rab, duo-yu iltijolar qildilar. O‘zaro bir-birlariga sabr-toqat bildirdilar.
Shuningdek, hojilarmiz muhtaram Yurtboshimiz haqlariga xatmi Qur’onlar o‘qidilar va Umra amallarini Masjidul Haramda ado etib, savobini muhtaram Prezidentimiz ruhoniyatlariga bag‘ishladilar va haqlariga duo-yu fotihalar qildilar.
Savol: Hadisda “Kim Ashuro kuni ahli ayoliga kenglik yaratsa, Alloh unga yil bo‘yi kenglik yaratadi”, deyilganini o‘qidim. Hadisdagi ushbu kenglikdan murod nima?
Javob: Bismillahir Rohmanir Rohiym. Haqiqatda, hadisi shariflarda Rasululloh sollallohu alayhi vasallam: "Kimki Ashuro kunida ahli ayoliga kenglik qilsa, Alloh unga yil davomida kenglik qiladi", deb marhamat qilganlar (Imom Tabaroniy rivoyati).
Ulamolar mazkur hadislardagi kenglikni yeb ichish, kiyim-kechak va boshqa narsalarda kenglik qilishni iroda qilingan deganlar. Ya’ni odamlar shu kuni oila a’zolariga xuddi bayramlardagi kabi, balki undan ham yaxshiroq mo‘l-ko‘lchilik qilib bersalar, Alloh taolo ularga yil davomida kengchilik qiladi, deb tushunish mumkin. Vallohu a’lam.
O‘zbekiston musulmonlari idorasi
Fatvo markazi