O‘zbekiston Respublikasi Prezidentining “O‘zbekiston Respublikasi mustaqilligining o‘ttiz uch yilligi munosabati bilan fan, ta'lim, sog‘liqni saqlash, adabiyot, madaniyat, san'at sohalari va ommaviy axborot vositalari xodimlaridan bir guruhini mukofotlash to‘g‘risida”gi Farmoniga muvofiq (https://president.uz/uz/lists/view/7490) diniy-ma’rifiy sohada faol xizmat qilib kelayotgan quyidagi xodimlar “Shuhrat” medali bilan mukofotlandi:
- Kambarov A'zam Maxamadali o‘g‘li - Din ishlari bo‘yicha qo‘mitaning Axborot-tahlil va targ‘ibot ishlarini tashkil etish boshqarmasi mutaxassisi;
- Marupov Ilhom Islomovich - Din ishlari bo‘yicha qo‘mitaning Axborot xizmati rahbari – matbuot kotibi;
- Melikuziyev Djaxangir Valijanovich - Din ishlari bo‘yicha qo‘mitaning Axborot-tahlil va targ‘ibot ishlarini tashkil etish boshqarmasi bosh mutaxassisi;
- Xidirov Mirzoxid G‘ayratovich - Din ishlari bo‘yicha qo‘mitaning Toshkent shahar hududiy boshqarmasi Olmazor tumani bo‘yicha bosh mutaxassisi.
Din ishlari bo’yicha qo’mita jamoasi davlat mukofoti bilan taqdirlanganlarni samimiy qutlaydi! Yangi O‘zbekiston taraqqiyoti va istiqboli yo‘lidagi beminnat, shijoatli, mas'uliyatni his qilgan holda amalga oshirayotgan barcha ishlariga zafarlar, bundan-da yuksak natija, samara va muvafqaqiyatlarga erishishlarini tilaydi!
Din ishlari bo‘yicha qo‘mita
Axborot xizmati
Savol: Namozga “Allohu akbar”, deb quloq qoqishda “Allohu akbar” dagi “r” ga kelganda ikki qo‘lni bosh barmog‘i quloq yumshog‘iga tegiziladimi? Shunday deb, eshitdim.
Javob: Bismillahir Rohmanir Rohiym. Namozga kirishda avval ikki qo‘lni yuqoriga ko‘tarib, bosh barmoqlarni quloqning yumshoq joyiga tegiziladi. So‘ng “Allohu akbar”, deb, namozga kirishiladi.
Bu haqida Faqih Abu Ja’far rahimahulloh bunday zikr qilganlar: “Ikki kaftini ichki taraflari bilan qiblaga yuzlanadi va panjalari yozadi hamda qo‘llarini yuqoriga ko‘taradi. Qachonki, ikki bosh barmog‘i ikki quloqlarining yumshoq joylariga tegsa, “Allohu akbar” deb namozga shuru’ qiladi.
Shamsulaimma Saraxsiy rahimahullohga ko‘ra, barcha mashoyixlar shunga ittifoq qilganlar (“Muhiyt” kitobi). Vallohu a’lam.
O‘zbekiston musulmonlari idorasi
Fatvo markazi.