Sayt test holatida ishlamoqda!
04 Aprel, 2025   |   6 Shavvol, 1446

Toshkent shahri
Tong
04:41
Quyosh
06:01
Peshin
12:31
Asr
16:58
Shom
18:54
Xufton
20:10
Bismillah
04 Aprel, 2025, 6 Shavvol, 1446

Rejamiz bir asrlikdir!

29.08.2024   4205   2 min.
Rejamiz bir asrlikdir!

Obuna – 2024

Donishmandlardan birining: «Agar rejangiz bir yillik bo‘lsa – sholi eking. O‘n yillik bo‘lsa – daraxt o‘tqazing. Agar bir asrlik bo‘lsa – farzandlaringizga ta’lim-tarbiya bering», degan hikmatli gapi bor.

Haqiqatan, har birimizning rejamiz bir asrlik. Niyatimiz ham shunga yarasha: xonadon ahllarimizning barchasiga sof Islom ta’limotini go‘zal tarzda yetkazish, ularni ma’rifatli qilish, ma’naviyatini yuksaltirishdir. Tabiiyki, bu jarayonda bizga eng yaqin ko‘makchi bu – “Hidoyat” va “Mo‘minalar” jurnallari hamda “Islom nuri” gazetasidir.

Mazkur nashrlarga 2025 yil uchun obuna mavsumi boshlandi.

“Shamsuddinxon Boboxonov” nashriyot-matbaa ijodiy uyi Davriy nashrlar bo‘limi mudiri T.Nizomov hamda Marketing va innovatsiyalar bo‘limi mudiri A.Yusupov Navoiy va Buxoro viloyatlarida xizmat safarida bo‘lib, viloyatlar, tumanlar va shaharlar bosh imom-xatiblari bilan uchrashuvlar o‘tkazdi.

Yig‘ilishlarda “Hidoyat” va “Mo‘minalar” jurnallari hamda “Islom nuri” gazetasiga 2025 yil uchun obuna mavsumini har yilgidan ko‘ra uyushqoq va ko‘tarinki ruhda o‘tkazish, har bir xonadonga ziyo va ma’rifat kirib borishini ta’minlash zarurligi alohida qayd etildi.

 – “Hidoyat” va “Mo‘minalar” jurnallari hamda “Islom nuri” gazetasi yildan-yilga mazmun-mundarijasi boyib, shaklan juda go‘zal bo‘lib boryapti, – deydi Navoiy viloyati bosh imom-xatibi Tohir domla Ro‘ziyev. – Inshoalloh, 2025 yil uchun obunani ko‘p qilamiz. Juma mav’izalarida, to‘y va marosimlarda davriy nashrlarimiz targ‘ibotni kuchaytiramiz. Aslida, bu ham amri ma’ruf va nahyi munkardir. Zero, Imom Termiziy bobomiz rivoyat qilgan hadisda Nabiy sollallohu alayhi va sallam: “Yaxshilikka dalolat qiluvchi yaxshilik qiluvchi kabidir”, deganlar.

Tadbirlar so‘ngida “Hidoyat” va “Mo‘minalar” jurnallari hamda “Islom nuri” gazetasiga 2024 yil uchun obuna mavsumida jonbozlik ko‘rsatgan masjidlar hamda tumanlar bosh imom-xatiblari “Shamsuddinxon Boboxonov” nashriyot-matbaa ijodiy uyi tomonidan sovg‘alar bilan taqdirlandi. 

Hidoyat.uz

Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir!
Boshqa maqolalar

Yoshlar ongini himoyalash yo‘lida

28.03.2025   8597   1 min.
Yoshlar ongini himoyalash yo‘lida

Joriy yilning 27 mart kuni Mir Arab oliy madrasasida Jaholatga qarshi ma’rifat mavzusida tadbir bo‘lib o‘tdi. Unda Mir Arab o‘rta maxsus islom ta’lim muassasasi o‘qituvchi va talabalari ishtirok etishdi. 

Asosiy ma’ruzachi sifatida ishtirok etgan O‘zbekiston xalqaro islom akademiyasi dots.nt, siyosiy fanlar doktori Bektosh Berdiyev bugungi kunda yuzaga kelayotgan radikallashuv jarayonlari, ularning yoshlar ongu-tafakkuriga ko‘rsatayotgan salbiy ta’sirlari, bugun yoshlarimizni jamiyatimizni ushbu salbiy ta’sirlardan himoya qilishning vazifalari va texnologiyalari haqida so‘z yuritdi. 
 

O‘zbekiston musulmonlari idorasi
Matbuot xizmati

Yoshlar ongini himoyalash yo‘lida Yoshlar ongini himoyalash yo‘lida