#Qabul_2024 #Magistratura #Modul_ta’lim
2024-2025 o‘quv yili bo‘yicha O‘zbekiston musulmonlari idorasi tasarrufidagi Imom Buxoriy nomidagi Toshkent islom instituti magistratura bosqichi, Modul ta’lim tizimi va Imom Termiziy nomidagi islom institutiga hujjat topshirgan abituriyentlar uchun kirish imtihonlari boshlandi.
Magistraturaga chet tilidan, Modul ta’limga ixtisoslik va ijtimoiy-gumanitar fanlar majmuasidan va Termizdagi islom institutiga kirish uchun Arab tili va O‘zbekiston tarixi fanlaridan abituriyentlar test sinovlaridan o‘tdi.
Imtihon manzili: Toshkent shahar, Olmazor tumani, Zarqaynar 18-berk ko‘cha, 47-uy. (https://goo.gl/maps/Ng8xP1yVfJwJvB3e7)
71-240-01-15, 77-308-73-13
t.me/oliymahad
#xabar #haj2025
Shu yil 12 iyun kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari va Din ishlari bo‘yicha qo‘mita raisi Sodiqjon Toshboyev boshchiliklaridagi hojilarimizning dastlabki guruhlari eson-omon ona diyorimizga yetib keldilar.
Nurli yuzi, quvnoq ko‘zida Vatan sog‘inchi namoyon bo‘lgan hojilar jamoasini taniqli ulamolar, imom-domlalar, mutasaddilar va OAV vakillari Toshkent xalqaro aeroportida ehtirom ila kutib olishdi.
Hojilarimiz muborak zaminda Haq taoloning farzi – Haj amalini chiroyli ado etib, sog‘u salomat o‘z yurtiga yetib kelganlari va yaqinlari diydoriga yetishganlari uchun shukronalar aytish barobarida el-yurt haqqiga xayrli duolar qilishdi.
O‘zbekiston musulmonlari idorasi
Matbuot xizmati