Sayt test holatida ishlamoqda!
11 Iyun, 2025   |   15 Zulhijja, 1446

Toshkent shahri
Tong
03:05
Quyosh
04:49
Peshin
12:28
Asr
17:38
Shom
19:59
Xufton
21:37
Bismillah
11 Iyun, 2025, 15 Zulhijja, 1446
Yangiliklar

"Yil imomi-2024" ko‘rik-tanlovi Andijon viloyati bosqichi o‘tkazildi

12.09.2024   5712   2 min.

Yurtimizda har bir sohaga qaramaylik o‘zgarishlar, yangilanishlar, rivojlanishlar bo‘layotganini kuzatishimiz mumkin.

Shu jumladan diniy sohada ham O‘zbekiston musulmonlari idorasi boshchiligida o‘zgarishlar, rivojlanishlar bo‘lmoqda. Yildan yilga masjidlarda faoliyat ko‘rsatayotgan diniy soxa xodimlarining ilmiy saloxiyatlarini oshirish, bilim darajasi va kasbiy maxoratlari oshirishga jiddiy e’tibor qaratib kelinmoqda.

Hammalarimizga ma’lumki, imomlik bu – sharafli va mas’uliyatli, shu bilan birga, Payg‘ambarimiz alayhissalomning muborak kasblaridir. Shu bois imom har doim ma’rifatli, o‘z ustida tinimsiz ishlashi, sohaga doir yangiliklardan doimo xabardor bo‘lishi kerak.

O‘zbekiston musulmonlari idorasi tomonidan har yiligi imomlar o‘rtasida “Yil imomi” ko‘rik-tanlovini o‘tkazilishi ham, imomlarning kasbiy mahorat va ilmiy saviyasini doimiy ravishda oshirib borishiga xizmat qilib kelmoqda.

Bu esa o‘z-o‘zidan imom-xatiblarning o‘z ustida ko‘proq ishlashlari, bilimlarini doimiy ravishda boyitib borishlari, xalqqa ma’rifiy Islomni yetkazishda astoydil xizmat qilishlariga o‘ziga yarasha rag‘bat bo‘lmoqda.

Shu boisdan, joriy yilgi “Yil imomi-2024” ko‘rik tanlovining Andijon viloyati bosqichi 2024 yil 12 sentyabr kuni O‘zbekiston musulmonlari idorasining Andijon viloyati vakilligida ko‘tarinki ruhda tashkil qilindi.

“Yil imomi-2024” ko‘rik tanlovining Andijon viloyati bosqichida viloyatning shahar-tuman bosqichlarida g‘oliblikni qo‘lga kiritgan 16 nafar imom-xatiblar qatnashdilar.

Tadbir Qur’oni Karim tilovati ila boshlanib, Viloyat bosh imom-xatibi Mirzamaqsud domla Alimov boshchiligida tadbirni fayzli va sermazmun o‘tishligini Alloh taolodan so‘rab, duoi-xayrlar qilindi.

Ishtirokchilarning chiqishlari hakamlar hay’ati tomonidan baholab borildi. Yakuniy natijalarga ko‘ra quyidagilar «Yil imom–2024» tanlovining Andijon viloyati bosqichi g‘olibi deb quydagilar topildi:

I o‘rin: Oltinko‘l tumani “Oltinko‘l” jome masjidi imom-xatibi;

II o‘rin: Andijon shahar “Shaxidtepa” jome masjidi imom-xatibi;

III o‘rin: Shahrixon tumani “Nazarmaxram” jome masjidi imom-xatibi;

Tadbir so‘ngida g‘oliblar va ishtirokchilar O‘MI Andijon viloyati vakilligi tomonidan diplom va esdalik sovg‘alari bilan taqdirlandi.

“Yil imomi–2024” ko‘rik-tanlovi Andijon viloyat bosqichida birinchi o‘rinni egallagan Muhammad Amin domla Qobiljonov tanlovning Respublika bosqichida qatnashish imkoniyatiga ega bo‘ldi.

O‘MI Andijon viloyat vakilligi matbuot xizmati

O'zbekiston yangiliklari
Boshqa maqolalar
Yangiliklar

Haj tadbiriga mas’ul idoralar rahbarlari muloqoti

03.06.2025   8037   2 min.
Haj tadbiriga mas’ul idoralar rahbarlari muloqoti

1 iyun kuni Jidda shahrida butun dunyodan kelgan haj tadbirlarini tashkil etish va o‘tkazishga mas’ul idoralar rahbarlarining yig‘ilishi bo‘lib o‘tdi. Unda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari va Din ishlari bo‘yicha qo‘mita raisi Sodiqjon Toshboyev ishtirok etdi.

 
 Muloqotda yildan-yilga haj mavsumida Alloh taoloning mehmonlariga munosib xizmat qilish takomillashib borayotgani, innovatsion loyihalar amaliyotga joriy etilayotgani, ziyoratchilarning salomatliklarini saqlash, transport xizmati ko‘rsatish, sifatli oziq-ovqat bilan ta’minlash va toatu ibodatlarni tartibli tashkil etishda yaxshi natijalarga erishilganini alohida qayd etildi.


Haj va umra vaziri yig‘ilish ishtirokchilaridan yaqinlashayotgan haj kunlarida ziyoratchilar belgilangan tartiblarga rioya etishlarini ta’minlash, ayniqsa, Mino, Arafot vodiylarida o‘rnatilgan qonun-qoidalarga qat’iy amal qilish, xususan, kunning jazirama issiq vaqtlarida (soat 10-00 dan 16-00 gacha) chodirlardan tashqarida yurmaslik, hududlarda tog‘u tepaliklarga chiqmaslik, bitoqa-beyjiklarni taqib yurish, harakatlanishda maxsus transport vositalari, avtobuslardan foydalanish va tartibni saqlovchi xodimlar ko‘rsatmalariga itoat etish kabilarda hamkorlik qilishni so‘radi.


Anjuman doirasida O‘zbekiston delegatsiyasi Saudiya Arabistoni Podshohligi Haj va umra vaziri, turli mamlakatlardan kelgan mo‘tabar ulamolar, martabali vazirlar, fazilatli muftiylar, jumladan, Turkiya Diyonat ishlari boshqarmasi raisi, doktor Ali Erbosh, Pokistonning Dorul ulum Karachi Islom universiteti professori Muftiy Muhammad Taqiy Usmoniy, Afg‘oniston Irshod, haj va vaqf ishlari vaziri Nur Muhammad Saqib bilan uchrashib, o‘zaro hamkorlik yuzasidan fikr-mulohaza almashdilar.   


Yig‘ilish yakunida ishtirokchilar Haj va umra sohasidagi ilmiy va amaliy hamkorlikni kuchaytirish, ziyoratchilarga xizmat ko‘rsatish sifatini oshirish va bu borada o‘zaro tajriba almashishni yanada takomillashtirishga kelishib oldilar.


O‘zbekiston musulmonlari idorasi
Matbuot xizmati

Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti
O'zbekiston yangiliklari