Sayt test holatida ishlamoqda!
14 Iyun, 2025   |   18 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:39
Shom
20:01
Xufton
21:39
Bismillah
14 Iyun, 2025, 18 Zulhijja, 1446
Yangiliklar

Misr ulamolari bilan hamkorlik aloqalari muhokama qilindi

13.09.2024   4841   1 min.
Misr ulamolari bilan hamkorlik aloqalari muhokama qilindi

Shu yil 11 sentyabr kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Misrdagi Xalqaro islom aholishunoslik va tadqiqot markazi direktori, professor Jamoliddin Abdulsurur boshchiligidagi delegatsiyani qabul qildilar. 

Muftiy hazratlari martabali mehmonlarni tashrif bilan qutlab, keyingi yillarda yurtimizda diniy-ma’rifiy sohada bo‘layotgan katta ijobiy o‘zgarishlarni so‘zlash barobarida O‘zbekiston musulmonlari idorasi faoliyati haqida ma’lumot berib, Islom olami davlatlari bilan faol hamkorlik yo‘lga qo‘yilgani, xususan, ikki davlat o‘rtasida mazkur yo‘nalishdagi yaqin hamkorlik muhim ahamiyat kasb etayotganini alohida ta’kidladilar.  

O‘z navbatida delegatsiya rahbari Jamoliddin Abdulsurur samimiy qabul uchun minnatdorlik bildirish asnosida O‘zbekistonda barcha jabhada bo‘layotgan o‘zgarishlar, jumladan, diniy sohadagi yangiliklardan behad xursand ekanligini bayon etdi. Shuningdek, ikki davlat o‘rtasidagi yaqin hamkorlik natijasida ayni kunlarda Toshkent shahrida o‘tkazilayotgan Islomda ayollar huquqiga bag‘ishlangan xalqaro o‘quv seminar yuqori darajada tashkil etilgani, unda Diniy idora vakillari ham mavzu doirasida muhim chiqishlar qilgani, kelgusida ana shunday hamkorlikdagi loyihalar davomiy qilishga tayyorligini bildirdi.    

Samimiy uchrashuvda diniy-ma’rifiy sohada hamkorlikni yanada kuchaytirish, jumladan, al-Azharda imom-xatiblar malakasini oshirish, Dorul Ifto va Fatvo markazi o‘rtasidagi aloqalarni mustahkamlash masalalari ham ko‘rib chiqildi. 

Uchrashuv do‘stona va samimiy ruhda o‘tdi. 

O‘zbekiston musulmonlari idorasi
Matbuot xizmati

Misr ulamolari bilan hamkorlik aloqalari muhokama qilindi Misr ulamolari bilan hamkorlik aloqalari muhokama qilindi Misr ulamolari bilan hamkorlik aloqalari muhokama qilindi Misr ulamolari bilan hamkorlik aloqalari muhokama qilindi Misr ulamolari bilan hamkorlik aloqalari muhokama qilindi Misr ulamolari bilan hamkorlik aloqalari muhokama qilindi Misr ulamolari bilan hamkorlik aloqalari muhokama qilindi
Boshqa maqolalar

Arafa kuni ushbu 5 amalni bajarishni unutmang!

04.06.2025   15088   1 min.
Arafa kuni ushbu 5 amalni bajarishni unutmang!

1. Duo qilish. Bu kun qilingan duolar eng afzal duodir.

Solihlardan biri aytadi: "Allohga qasam! Arafa kuni biror duo qilsam, bir yil o‘tmasidan turib uni xuddi yorishgan tong kabi amalga oshganini ko‘rdim".

O‘tgan solihlar ehtiyojlari uchun qiladigan duolarini arafa kuniga saqlab qo‘yishar edi. Qanchadan qancha orzu-umidlar va duolar arafa kunida ijobat qilingan.


2. Ushbu duoni ko‘p qilish. Nabiy sollallohu alayhi vasallam: “Duolarning yaxshisi arafa kunidagi, men va mendan oldingi nabiylarning “Laa ilaha illallohu vahdahu laa shariyka lahu, lahul mulku va lahul hamdu va huva ’ala kulli shayin qodiyr”, deb aytgan duosidir”, dedilar.


3. Allohdan do‘zaxdan panoh so‘rash. Bu kundan ko‘ra do‘zaxdan ko‘p ozod bo‘ladigan kun yo‘q. Nabiy sollallohu alayhi vasallam aytdilar: “Arafa kuni, Alloh bandalarni do‘zaxdan ko‘p ozod qilganchalik boshqa biror kun yo‘q!”.


4. Takbiri tashriq aytish. Bu kunning bomdod namozidan boshlab takbir aytiladi. “Allohu akbar! Allohu akbar! Allohu akbar! Laa ilaha illallohu vallohu akbar! Allohu akbar va lillaahil hamd”.


5. Ro‘za tutish. Bu kun tutilgan ro‘za ikki yillik gunohlarga kafforot bo‘ladi. Rasululloh sollallohu alayhi vasallam: “Arafa kunining ro‘zasi undan oldingi va undan keyingi yillardagi gunohlarga kafforot bo‘ladi deb Allohdan umid qilaman”, dedilar (Imom Muslim rivoyati).

Arafa kuningiz muborak bo‘lsin. Alloh taolo sizni bu kunning fazilatlaridan to‘liq bahramand etsin.

 

Davron NURMUHAMMAD