Sayt test holatida ishlamoqda!
12 Iyun, 2025   |   16 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:38
Shom
20:00
Xufton
21:38
Bismillah
12 Iyun, 2025, 16 Zulhijja, 1446
Yangiliklar

Toshkent islom institutiga o‘quv ishlari bo‘yicha prorektor tayinlandi

03.10.2024   8177   1 min.
Toshkent islom institutiga o‘quv ishlari bo‘yicha prorektor tayinlandi

O‘zbekiston musulmonlari idorasi raisi buyrug‘iga asosan Toshkent islom institutiga O‘quv ishlari bo‘yicha prorektor tayinlandi.

TII «Qur’oni Karim va tajvid» o‘quv kursi bo‘lim boshlig‘i vazifasida ishlab kelayotgan Jahongir Ro‘ziyev O‘ktamovich prorektor sifatida jamoaga e’lon qilindi.

Yig‘ilishda O‘MI raisi o‘rinbosari, TII rektori Muhammadolim Muhammadsiddiqov so‘zga chiqib, Jahongir Ubaydullohga mas’uliyatli vazifadagi faoliyatiga muvaffaqiyat tiladi.

Jahongir Ubaydulloh 2005-2009 yillari «Ko‘kaldosh» o‘rta-maxsus islom bilim yurtida, 2009-2013 yillari TIIda, 2018-2020 yillari O‘zbekiston xalqaro islom akademiyasi magistraturasida ta’lim olgan.

Mehnat faoliyatini Toshkent shahar «Ahmadjon qori» jome’ masjidi imom noibi vazifasida boshlagan. Uzoq yillardan buyon TII «Qur’on ilmlari» kafedrasida talabalarga dars berib kelmoqda. Shu bilan birga qiroat ilmlari bo‘yicha erkin izlanuvchi sifatida ilmiy-tadqiqot olib bormoqda.

Alloh taolo vazifasiga yangi tayinlangan prorektorning ishlariga xayru baraka ato qilsin!

https://t.me/oliymahad 

O'zbekiston yangiliklari
Boshqa maqolalar

Jannatning hamma eshiklarini ochinglar...

09.06.2025   5746   2 min.
Jannatning hamma eshiklarini ochinglar...

 

﴿ شَهِدَ ٱللَّهُ أَنَّهُۥ لَآ إِلَٰهَ إِلَّا هُوَ وَٱلۡمَلَٰٓئِكَةُ وَأُوْلُواْ ٱلۡعِلۡمِ قَآئِمَۢا بِٱلۡقِسۡطِۚ لَآ إِلَٰهَ إِلَّا هُوَ ٱلۡعَزِيزُ ٱلۡحَكِيمُ ﴾
[ آل عمران: 18]

 
 


O‘qilishi: Shahidallohu annahu laa ilaha illa huva val malaaikatu va ulul ilmi qooiman bilqisti laa ilaha illa huval ’aziyzul hakiym.

Ma’nosi: "Alloh adolat ila turib, albatta, Undan o‘zga iloh yo‘qligiga shohidlik berdi. Farishtalar va ilm egalari ham guvohlik berdilar. Undan o‘zga iloh yo‘q. U aziz va hakim Zotdir" (Oli Imron surasi, 18-oyat).


Rasululloh sollallohu alayhi vasallam dedilar: "Kim ushbu oyatni o‘qib, oxirida "Allohdan boshqa iloh yo‘q ekanligiga men ham guvohman" desa, Alloh taolo ushbu oyatning harflari adadicha farishtalarni qiyomat kunigacha o‘sha kishining haqqiga istig‘for ayttirib qo‘yadi".


U zot alayhissalom boshqa hadisda bunday deganlar: "Kim uyquga yotishidan oldin ushbu oyatni o‘qisa, Alloh taolo yetmish mingta farishtani yaratadi va ular qiyomat kunigacha o‘sha kishining haqqiga istig‘for aytib turadilar".


Abu G‘olib aytadilar: "Men Kufaga tijorat qilish uchun borganimda A’mashga qo‘shni bo‘lib turdim. Shunda u kishini har kecha ushbu oyatni takror va takror o‘qigani va undan keyin: "Men ham Alloh guvohlik bergan narsaga guvohman, men ushbu guvohligimni Allohga omonat qilib topshiraman. Qiyomat kunida Alloh taolo menga omonatimni qaytargay" deganlarini eshitar edim.
 
Shunda u kishidan buning sababini so‘raganimda, aytgan edilar: "Abu Voil menga Ibn Mas’uddan rivoyat qilib aytgan, Rasululloh sollallohu alayhi vasallam bunday deganlar: "Kim ushbu oyatni o‘qib, oxirida ushbu kalimalarni aytsa, qiyomat kunida Alloh taolo unga xitob qilib bunday deydi: "Bandam menga bergan va’dangda turding, ya’ni tavhidda, Men ham O‘z va’damda turaman. Ey, maloikalarim! Jannatning hamma eshiklarini ochinglar, bu bandam xohlagan eshigidan kirsin", deydi".