Sayt test holatida ishlamoqda!
10 Iyul, 2025   |   15 Muharram, 1447

Toshkent shahri
Tong
03:17
Quyosh
04:59
Peshin
12:33
Asr
17:41
Shom
20:02
Xufton
21:36
Bismillah
10 Iyul, 2025, 15 Muharram, 1447
Yangiliklar

Hojilar ishtirokidagi ma’rifiy tadbirlar samarali kechmoqda (Foto+)

31.10.2024   10618   2 min.
Hojilar ishtirokidagi ma’rifiy tadbirlar samarali kechmoqda (Foto+)

2024 yil 30 oktyabr kuni Zayniddin domla Eshonqulov boshchiligida Toshkent viloyatining Toshkent tumani “Hasanboy ota” jome masjidida amaliy tadbir o‘tkazildi. Unda O‘zbekiston musulmonlari idorasi mutaxassislari, Toshkent viloyati vakilligi rahbariyati va xodimlari, viloyat tuman va shaharlarining bosh imom-xatiblari hamda otinoyilari, shuningdek, “Haj-2024” ziyoratchilari, MFYlar raislari ishtirok etdi.  

Yig‘ilishda imom-xatib hamda otinoyilarning “Haj – 2024” ziyoratchilarini ma’naviy-ma’rifiy tadbirlarga faol jalb etish ishiga ko‘maklashish, tumandagi masjidlar faoliyati o‘rganish, peshin namozida masjidlarda dolzarb mavzuda ma’ruza qilish kabi masalalar muhokama qilindi.

Shu maqsadda Ishchi guruh a’zolari Toshkent tumanining 18 ta masjidi hamda 20 ta mahallasiga biriktirilib, xonadonlarga kirilib, turli yo‘nalishlar bo‘yicha suhbatlar o‘tkazildi.  

Xususan, imom-xatiblar 100 ta oilaga, otinoyilar 14 ta oilaga, umumiy hisobda 114 ta oilaga kirib, ma’naviy-ma’rifiy targ‘ibot hamda amaliy yordam tadbirlari olib bordilar.

Shuningdek, er-xotin, aka-uka, ota-bola, qaynona-kelin, o‘rtasidagi kelishmovchilik va janjallar sababli notinch bo‘lib turgan 32 ta oila o‘rganilib, ularga nasihat qilindi. Notinchlik sabablarini bartaraf etish, arazlashganlarni yarashtirish choralari ko‘rildi. 36 ta holatda oilaviy ajrimlarning oldini olishga harakat qilindi, 4 ta oilani yarashtirishga muvaffaq bo‘lindi, 7 oilani yarashtirish jarayonini davom ettirish belgilandi. 23 ta xonadonda JIEMda jazo muddatini o‘tayotganlarning oila a’zolari, jazo muddatini o‘tab qaytganlar, muqaddam sudlanganlar bilan yurtimizda olib borilayotgan islohotlar borasida suhbatlashildi. Shuningdek, nogiron va kasalmand fuqarolar yashaydigan 2 ta oilaga kirilib, ulardan ko‘ngil so‘raldi, davolanish va dori darmon, 3 ta kam ta’minlangan oilalarga oziq-ovqat, kiyim-kechak hamda moddiy yordam ko‘rsatildi. 

Tadbir so‘ngida amalga oshirilgan ishlar tahlil qilinib, Toshkent tumanida masjidlardagi kamchiliklarni bartaraf etish, imom-xatiblarning ma’naviy-ma’rifiy hamda masjid boshqaruvidagi faoliyatida kuzatilgan kamchiliklarni bartaraf etish yuzasidan ko‘rsatma va tavsiyalar berildi. 

O‘zbekiston musulmonlari idorasi
Matbuot xizmati

Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+) Hojilar ishtirokidagi ma’rifiy tadbirlar samarali kechmoqda (Foto+)
O'zbekiston yangiliklari
Boshqa maqolalar

Ashuro ro‘zasining fazilati

04.07.2025   6105   2 min.
Ashuro ro‘zasining fazilati

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Salama ibn Akva’ roziyallohu anhudan rivoyat qilinadi:

«Nabiy sollallohu alayhi vasallam aslamlik bir kishiga odamlar ichida «Kim biron narsa yegan bo‘lsa, kunning qolganida ro‘za tutsin, kim yemagan bo‘lsa, u ham ro‘za tutsin, chunki bugun Ashuro kuni», deb jar solishga buyurdilar».

Ikki Shayx va Nasaiylar rivoyat qilishgan.

Rubayyi’ bint Mu’avviz ibn Afro roziyallohu anhodan rivoyat qilinadi:

«Rasululloh sollallohu alayhi vasallam ashuro kuni ertalab Madina atrofidagi ansorlarning qishloqlariga odam yuborib, «Kim ro‘za tutgan holda tong ottirgan bo‘lsa, ro‘zasini tugal qilsin. Kim og‘zi ochiq holda tong ottirgan bo‘lsa, kunining qolganini (ro‘za bilan) tugal qilsin», dedilar.

Shundan keyin biz uning ro‘zasini tutadigan va yosh bolalarimizga ham Alloh xohlaganicha tuttiradigan bo‘ldik. Masjidga borib, ularga yungdan o‘yinchoq qilib berar edik. Birortasi ovqat deb yig‘lasa, iftorgacha unga o‘shani berar edik».

Muslim rivoyat qilgan.

Ibn Abbos roziyallohu anhumodan rivoyat qilinadi:

«Men Nabiy sollallohu alayhi vasallamning ushbu kun – Ashuro kunining hamda ushbu oy, ya’ni Ramazon oyining ro‘zasidan tashqari biror kunni boshqasidan afzal ko‘rib, ro‘za tutishga qasd qilganlarini ko‘rmadim».

Ikki Shayx rivoyat qilgan.

Izoh: Ya’ni, Payg‘ambarimiz sollallohu alayhi vasallam qachon Ashuro kuni kelar ekan, ro‘zasini tutsam, deb, intiq bo‘lib turar ekanlar. Boshqa biror kunning ro‘zasini tutish uchun bunchalik intizor bo‘lib kutmas ekanlar.

Shuningdek, Ramazon oyini ham qachon kelar ekan, ro‘zasini tutsam, deb, intiq bo‘lib kutar ekanlar. Boshqa biror oyning ro‘zasini tutishni bunchalik intizor bo‘lib kutmas ekanlar. U kishining ummatlari, ya’ni bizlar ham shunday bo‘lishimiz lozim.

Abu Hurayra roziyallohu anhudan rivoyat qilinadi:

«Rasululloh sollallohu alayhi vasallam: «Ramazondan keyingi eng afzal ro‘za Allohning oyi muharramdadir. Farz namozdan keyingi eng afzal namoz tungi namozdir», dedilar».

Muslim rivoyat qilgan.

Abu Qatoda roziyallohu anhudan rivoyat qilinadi:

«Nabiy sollallohu alayhi vasallam: «Ashuro kunining ro‘zasi o‘zidan oldingi yilning gunohlariga kafforat bo‘ladi», dedilar».

Muslim rivoyat qilgan.