Sayt test holatida ishlamoqda!
03 Iyul, 2025   |   8 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:10
Quyosh
04:55
Peshin
12:32
Asr
17:42
Shom
20:04
Xufton
21:40
Bismillah
03 Iyul, 2025, 8 Muharram, 1447
Avvalgi sayt
#search
 YouTube

Kim qaysi daraxtning shoxini ushlaydi?

04.11.2024   3377   2 min.
Kim qaysi daraxtning shoxini ushlaydi?

Bismillahir Rohmanir Rohiym

Daraxtlar har xil bo‘ladi. Soya beradigan daraxtning soyasidan, mevali daraxtning mevasidan iste’foda etamiz. Umuman aytganda, daraxtlar Alloh taoloning bizga bergan ne’matlaridandir.

Bu dunyoda inson saxiylik daraxtining shoxidan ushlasa, u shox uni jannatga yo‘llaydi. Ammo inson baxillik daraxtining shoxini ushlasa, u shox uni do‘zaxga eltadi. Bu haqda janob Payg‘ambarimiz sollallohu alayhi vasallam bunday deganlar: “Saxiylik jannatdagi bir daraxtdir, uning shoxlari dunyoga tushib turadi. Kim uning birorta  shoxini tutsa, u shox uni jannatga  yo‘llaydi. Baxillik ham do‘zaxdagi bir daraxtdir. Uning shoxlari dunyoga tushib turadi. Kimki uning shoxidan tutsa, u shox uni do‘zaxga eltadi”.

Shu sababli bu dunyoda insonning qismati uning qaysi daraxtning shoxini ushlashiga bog‘liq. Agar inson hayotlik davrida saxiy daraxtining shoxlaridan ushlasa, u ikki dunyo yaxshiligini ushlagan bo‘ladi. Allohning roziligida saxiy kishi chin ko‘ngildan yarimta xurmoni bo‘lsa ham muhtojlarga bersa, uning bu himmati katta ajru-savoblarga sabab bo‘ladi. Bu haqda shoir bunday yozadi:

Och qolgan go‘dakka saxovatli zot,
Yarimta xurmoni dildan ilindi,
Bilgilki, bu himmat shu zum, shu zahot,
Bus-butun savob deb qabul qilindi.

Mabodo inson baxillik daraxtining shoxlaridan ushlasa, u dunyo va oxirat yaxshiligidan bebahra qoladi. Shuning uchun ham xalqimiz bekorga “Baxilning bog‘i ko‘karmas” deb bekorga aytmaydi.

Alloh taolo barchamizni baxillik daraxt shoxlaridan ushlashdan asrab, saxiylik daraxtining shoxlaridan ushlashni nasib etsin!

Alloh taolo barchamizni ikki dunyo saodatiga yetkarsin!

TII Modul ta’lim tizimi talabasi,
O‘MIning Qashqadaryo viloyati
vakilligi xodimi Ruhiddin Akbarov

Boshqa maqolalar

Ixtiloflar yechimi

02.07.2025   1179   1 min.
Ixtiloflar yechimi

Ulamolar dinda ixtilof chiqarayotganlardan saqlanish uchun mazhab ahkomlarida mahkam turish, mutaassib g‘oyalarga berilmaslik zarurligini ta’kidlaydi va ixtilofchilarning jamiyatga buzg‘unchi ta’siridan saqlanishda quyidagilarni tavsiya qiladi:

– Ahli sunna val jamoa yo‘lidan yurish;

– Dinni o‘rganishda solih ajdodlar izidan borish;

– Tizimli va ishonchli manbalar asosida ilm o‘rganish;

– Ulamolarni hurmat qilish va ularga ergashish;

– Farzand tarbiyasiga alohida e’tibor qaratish;

– Turli toifa, firqa va guruhlarning chaqiriqlariga uchmaslik;

– Kishilar o‘rtasida ahil-inoqlik va do‘stlikni mustahkamlash;

– Din, Vatan va xalq foydasi uchun xizmat qilish;

– Ixtiloflardan chetda bo‘lish.

Tarixdan ma’lumki, qaysi xalq yoki jamiyatda ixtilof va o‘zaro nizolar avj olsa, u yerlarda katta fitnalar urchib, o‘lkalar zaiflashgan, oxir-oqibat muqarrar tanazzulga yo‘l tutgan. Aksincha, oshkora va maxfiy fitna va ixtiloflarga qarshi ilm, adolat va birdamlik bilan qarshi turgan yurtlar barqaror rivojlanib, dunyo hamjamiyatida o‘zining munosib o‘rnini egallagan.

Shu nuqtayi nazardan, musulmonlarimiz aqida, shariat va diniy amallarni bajarish masalalarida ulamolarimizga ergashishlari, jamoadan ajralmasligi, o‘zlarini buzg‘unchi toifalar ta’siriga tushib, diniy mavzularda nizo va tortishuv chiqarishdan tiyishlari, ixtilofli masalalarning yechimini jumhur ulamolarning Qur’on va sunnat, moturidiya aqidasi, to‘rt mo‘tabar fiqhiy mazhablar asosida yozilgan asarlardagi hujjat-dalillardan topishlari to‘g‘ri yechim hisoblanadi.

Mingbuloq tumani “Toptiq Aziz” jome masjidi

imom-xatibi Mirzohid Umirzoqov

Manba: @Softalimotlar

MAQOLA
#logo