Bugun O‘zbekiston musulmonlari idorasi raisi, muftiy Shayx Nuriddin Xoliqnazar hazratlari poytaxtimizning Uchtepa tumanidagi qaytadan bunyod etilgan “Aziz ota” jome masjidida jamoat bilan juma namozini ado etdilar.
Juma namozi avvalida Muftiy hazratlari jamoatni yangi masjid binosi bilan muborakbod etib, Islom dinini birinchi bo‘lib qabul qilgan, jannatiy ayollarning sayyidasi, Payg‘ambarimiz alayhissalomning birinchi va eng suyukli ayollari bo‘lmish Xadicha binti Xuvaylid roziyallohu anho onamiz haqlarida suhbat qilib berdilar.
Shayx hazratlari suhbat davomida Xadicha onamizning nasl-nasablari, fazilatlari, saxiyliklari haqida so‘z yuritib, Islom dini rivojiga qo‘shgan hissalari, Payg‘ambarimiz alayhissalom va musulmonlar uchun qilgan xizmatlari va sadoqatlari, hatto Alloh taolo va Jabroil alayhissalom bu onamizga salom yo‘llaganlarini hadisu oyatlar, rivoyatlar asosida bayon etdilar.
Go‘zal mav’izadan so‘ng juma namozi ado etilib, elu yurt haqqiga xayrli duolar qilindi.
O‘zbekiston musulmonlari idorasi
Matbuot xizmati
MUSLIM.UZ
#xabar #haj2025
Bugun, 12 iyun kuni erta tongda yurtimiz hojilarining ilk guruhlari yurtimizga yo‘l olishdi.
Aytib o‘tish joiz, bu yilgi haj mavsumi har qachongidan ham fayzli, shukuhli o‘tdi. Haj arkonlarini bajarish uchun yurtimiz mo‘min-musulmonlariga Madinai munavvara, Makkai mukarramada yaratilgan shart-sharoitlarga ko‘plab musulmonlarning havasi kelganiga barcha guvoh bo‘ldi.
Ayniqsa, mehmonxonalar, Mino, Arafot vodiylaridagi qulaylik va imkoniyatlar, tibbiy va transport xizmatlari barchani mamnun etdi.
Endilikda ibodatlarni huzurlanib ado etgan, yuz-ko‘zlari porlagan, peshonalaridan nur balqigan hojilarimizning dastlabki guruhi diyorimizga qaytishmoqda.
Alloh taolo hojilarimizning hajlarini qabul aylasin. Farzandu anjumandlari bag‘riga eson-omon yetib olishsin.
O‘zbekiston musulmonlari idorasi
Matbuot xizmati