Cavol: Junub bo‘lgan ayol bolasini qanday emizadi?

Javob: Bismillahir Rohmanir Rohiym. Junub, ya’ni g‘usl vojib bo‘lgan ayol, shuningdek hayz ko‘rayotgan ayol bolasini emizishi joiz. Bu borada bunday zikr qilingan: “Ona janobat holatida ham bolasini emizishi joiz bo‘laveradi. Chunki musulmon odamga janobat yetsa, u nopok bo‘lmaydi. Zero, Nabiy sollallohu alayhi vasallam bunday deganlar: “Mo‘min nopok bo‘lmaydi” (Imom Buxoriy va Muslim rivoyat qilishgan)” (“Al-Mavsua al-fiqhiyya” kitobi).

Shunga ko‘ra, ba’zilarning “Junub ayol bolasini emizib bo‘lmaydi”, degan gaplari asossiz va shar’iy dalilga tayanmagan holda aytilgan gap bo‘lib, unga e’tibor qilinmaydi.

O‘zbekiston musulmonlari idorasi
Fatvo markazi