Cavol: Zarurat tug‘ilib qolsa, bir kishining o‘zi ham azon aytib, ham imomlikka o‘tishi mumkinmi?
Javob: Bismillahir Rohmanir Rohiym. Ha, mumkin. Fuqaholarimiz buni joiz, balki afzal ham deyishgan. “Raddul muhtor” muallifi bu haqda quyidagilarni aytganlar:
“Imomning muazzin bo‘lib, azon aytishi afzaldir. “Ziyo” kitobida Rasululloh sollallohu alayhi vasallam safarda o‘zlari azon va takbirni aytib, peshinni o‘qiganlari rivoyat qilingan. Biz bu hadisni “Xazoin”da tahqiq qilganmiz”. Vallohu a’lam.
O‘zbekiston musulmonlari idorasi
Fatvo markazi
O‘zbekiston Respublikasi Prezidenti Shavkat Mirziyoyevning topshiriqlari bilan xalqimizning bag‘rikenglik va qo‘llab-quvvatlash ramzi sifatida "Qurbon hayiti" (Eid al-Adha) munosabati bilan Afg‘oniston aholisiga 183 tonna oziq-ovqat mahsuloti ortilgan navbatdagi insonparvarlik yordami yuklari Balx viloyatiga yetkazildi.
Insonparvarlik yuklari Hayraton shahridagi "Astras" kompaniyasi hududida O‘zbekiston Respublikasi Prezidentining Afg‘oniston bo‘yicha maxsus vakili Ismatilla Irgashev, Surxondaryo viloyati hokimi Ulug‘bek Qosimov hamda Balx viloyati gubernatorining o‘rinbosari Nurulhodi Abuidris, shuningdek, ikki tomon rasmiylari ishtirokida topshirildi.
Insonparvarlik yordami tarkibidan un, guruch, shakar, makaron va qandolat mahsulotlari, o‘simlik yog‘i, tez tayyorlanadigan taomlar, qizil loviya va mosh o‘rin olgan.
Afg‘oniston rasmiylari O‘zbekiston Prezidenti va xalqiga ko‘rsatayotgan insonparvarlik yordami uchun minnatdorchilik bildirib, Qurbon hayiti munosabati bilan samimiy tabriklarini yo‘llashdi.