Xalqaro halol sammit va Turkiya ko‘rgazmasi (OIC Halal Yexpo-2024) 2024 yil 27 noyabrdan 30 noyabrgacha Istanbuldagi “IFM” ko‘rgazma markazida bo‘lib o‘tadi.
“IQNA” saytining “Yeni Shafak” nashriga tayanib ma’lum qilishicha, Turkiyada bo‘lib o‘tadigan X Jahon halol sammiti joriy yilning noyabr oyi oxirida Istanbulda 110 dan ortiq davlat vakillarini birlashtiradi.
“Halol 10 yilda muvaffaqiyat” shiori ostidagi ushbu sammit va ko‘rgazma 2024 yil 27 noyabrdan 30 noyabrgacha Turkiya prezidenti nazorati ostida Istanbul shahrida bo‘lib o‘tadi.
Turkiyadagi “Halal – 2024” ko‘rgazmasi Yevroosiyo mintaqasida o‘ziga xosligi bilan ajralib turadi. Ushbu ko‘rgazmada islom madaniyati va an’analariga mos oziq-ovqat, kosmetika va gigiyena mahsulotlari namoyish etiladi. Ko‘rgazma, shuningdek, turli kompaniya va o‘z sohalaridagi mutaxassislar bilan almashish va interaktiv hamkorlik qilish imkoniyatini beradi.
Mazkur tadbir har yili turli mamlakatlarda o‘tkaziladi va islom mamlakatlarida mashhurdir. Ko‘rgazmada “Halol” oziq-ovqatdan tashqari, “Halol turizmi”, “Islom to‘qimachilik sanoati”, “Halol tibbiyoti”, “Halol kimyosi”, “Farmatsevtika” kabi masalalar muhokama qilinadi.
Halol ko‘rgazmasi Turkiya oziq-ovqat mahsulotlarini qayta ishlash, investitsiya, kosmetika, turizm, kimyo, qadoqlash, mashinasozlik, islomiy turmush tarzi, islom modasi kabi sohalarda halol sanoat mahsulotlari va xizmatlarida yetakchi sanaladi. Ushbu sammit va ko‘rgazma 110 dan ortiq davlatdan mehmon va 20 dan ortiq davlatdan 55 dan ortiq ma’ruzachini birlashtiradi.
O‘zbekiston musulmonlari idorasi
Matbuot xizmati
O‘zbekiston Respublikasi Prezidenti Shavkat Mirziyoyev nomiga ma’naviy hayotimizda muhim o‘rin egallagan, azaldan xalqimizga xos bo‘lgan mehr-oqibat, bag‘rikenglik va saxovat kabi olijanob fazilatlarni o‘zida mujassam etgan muqaddas Qurbon hayiti – Iyd al-Adho munosabati bilan xorijiy davlatlar va hukumatlar, nufuzli xalqaro tashkilotlar va mintaqaviy tuzilmalar rahbarlaridan tabrik maktublari kelib tushmoqda.
Xorijiy hamkorlar o‘z qutlovlarida O‘zbekistonning ko‘p millatli xalqiga chuqur hurmat bildirgan holda, yurtimizga tinchlik, farovonlik va ravnaq tilab, do‘stlik va o‘zaro manfaatli hamkorlik aloqalarini har tomonlama rivojlantirishga qat’iy intilishlarini ta’kidlamoqdalar.
Jumladan, quyidagilar o‘z tabriklarini yo‘llagan:
Qozog‘iston Respublikasi Prezidenti Qasim-Jomart Toqayev;
Qirg‘iz Respublikasi Prezidenti Sadir Japarov;
Tojikiston Respublikasi Prezidenti Emomali Rahmon;
Turkmaniston Prezidenti Serdar Berdimuhamedov;
Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedov;
Ozarbayjon Respublikasi Prezidenti Ilhom Aliyev;
Qozog‘iston Respublikasining birinchi Prezidenti Nursulton Nazarboyev;
Misr Arab Respublikasi Prezidenti Abdulfattoh as-Sisi;
Turkiya Respublikasi Prezidenti Rejep Tayyip Erdog‘an;
Eron Islom Respublikasi Prezidenti Mas’ud Pezeshkiyon;
Birlashgan Arab Amirliklari Prezidenti Shayx Muhammad bin Zoid Ol Nahayon;
Birlashgan Arab Amirliklari Vitse-prezidenti, Bosh vaziri, Dubay amirligi hokimi Shayx Muhammad bin Roshid Ol Maktum;
Birlashgan Arab Amirliklari Vitse-prezidenti, Bosh vaziri o‘rinbosari, Prezident ishlari bo‘yicha vaziri Shayx Mansur bin Zoid Ol Nahayon;
Birlashgan Arab Amirliklari Bosh vaziri o‘rinbosari, ichki ishlar vaziri Shayx Sayf bin Zoid Ol Nahayon;
Kuvayt Davlati Amiri Shayx Mish’al al-Ahmad al-Jobir as-Saboh;
Qatar Davlati Amiri Shayx Tamim bin Hamad Ol Soniy;
Qatar Davlati Amiri o‘rinbosari Shayx Abdulloh bin Hamad bin Halif Ol Soniy;
O‘mon Sultoni Haysam bin Toriq;
Iordaniya Hoshimiylar Podshohligi Podshohi Abdulla II;
Jazoir Xalq Demokratik Respublikasi Prezidenti Abdulmajid Tebbun;
Falastin Davlati Prezidenti Mahmud Abbos;
Islom hamkorlik tashkiloti bosh kotibi Husayn Ibrohim Toha;
Turkiy davlatlar tashkiloti bosh kotibi Kubanichbek Omuraliyev;
Turkiy davlatlar tashkiloti Oqsoqollar kengashi raisi Binali Yildirim;
Iqtisodiy hamkorlik tashkiloti bosh kotibi Asad Majid Xon;
Kavkaz musulmonlari idorasi raisi shayxulislom Ollohshukur Poshshozoda.
Qutlovlar kelishda davom etmoqda.
President.uz