Sayt test holatida ishlamoqda!
05 Iyun, 2025   |   9 Zulhijja, 1446

Toshkent shahri
Tong
03:08
Quyosh
04:51
Peshin
12:27
Asr
17:35
Shom
19:56
Xufton
21:32
Bismillah
05 Iyun, 2025, 9 Zulhijja, 1446
Maqolalar

Gunohkordan nafratlanilmaydi

14.11.2024   3055   1 min.
Gunohkordan nafratlanilmaydi

Bismillahir Rohmanir Rohiym

Ma’ruf Karxiy rahimahulloh yoronlari bilan Bag‘dodda daryo yoqasida o‘tirgan edilar. Shunda daryo yoqalab bir qancha yosh yigitlar gaplashib, kulishib, raqs tushib, mast bo‘lib o‘tib ketishdi. Boshqa bir yo‘lovchilar Ma’ruf Karxiyni tanib qolib: "Ey Shayx, bu yigitlarning Allohga isyon qilib yurishlariga indamay turasizmi? Ularni duoibad qilmaysizmi?" deyishdi. Shunda Ma’ruf Karxiy hazratlari qo‘llarini osmonga ko‘tarib: "Allohim, ularni bu dunyoda xursand qilib qo‘yganingdek, oxiratda ham ularni xursand qilgin", deb duo qildilar. Boyagi kishilar bundan hayron bo‘lib: "Ularni duoibad qilish o‘rniga ularning haqqiga duoixayr qildingizku?" deyishdi. Ma’ruf Karxiy rahimahulloh: "Agar Alloh taolo ularni oxiratda xursand qilsa, demak ularni bu dunyoda tavba qilishlariga muvaffaq qiladi", dedilar.

Abu Homid G‘azzoliyning "Ihyou ulumiddin" kitobidan.

Bu rivoyatdan shu narsa ma’lum bo‘ladiki, Allohning do‘sti bo‘lgan valiy zot Ma’ruf Karxiyning tariqatlarida insonlarga hidoyat va yaxshilikni ixlos bilan tilash asos qilib olingan. Umuman olganda barcha tasavvuf tariqatlari insonlarga faqat ezgulik tilashni o‘zlariga asos qilib olgan, ularga na zohirda va na botinda zarar berishdan butkul yiroq. Zero, Alloh yaratgan maxluqotlarga nisbatan dilda yomon ko‘rish va nafrat saqlash Islom dini axloqidan emas. To‘g‘ri, gunoh har doim ham yomon ko‘riladi, lekin gunohkorning o‘zidan nafratlanilmaydi.

Homidjon domla ISHMATBЕKOV

Maqolalar
Boshqa maqolalar

Hajning mas’uliyatli kunlari boshlanmoqda

04.06.2025   1517   2 min.
Hajning mas’uliyatli kunlari boshlanmoqda

#xabar #haj2025

Joriy yilgi haj mavsumi o‘zining qizg‘in pallasiga kirmoqda. Bugun, 3 iyun – Zulhijja oyining 7 kuni kechki paytdan boshlab ziyoratchilarni Mino vodiysiga tashish ishlari boshlanadi. 4 iyun – Zulhijja oyining 8 kuni barcha hojilar Mino vodiysida jam bo‘lishadi.
 

Shu munosabat bilan haj delegatsiyasi a’zolari, ishchi guruhi shtabi, shifokorlar jamoasi va guruh rahbarlari ishtirokida Makka shahridagi mehmonxonada umumiy yig‘ilish bo‘lib o‘tdi. Unda Din ishlari bo‘yicha qo‘mita raisi, ishchi guruhi rahbari Sodiqjon Toshboyev, muftiy – haj delegatsiyasi rahbari Shayx Nuriddin Xoliqnazar hazratlari, attashe Shuhrat Amoniy hamda shifokorlar jamoasi yetakchisi Alisher Saatov qatnashdi.


Mutasaddilar mehmonxonalardan Minoga, u yerdan Arafot, bu manzildan esa Muzdalifaga va yana Minoga qaytishni tartibli tashkil etish, muborak manzillar va chodirlarda risoladagidek ibodat qilish uchun barcha sharoitlarni hozirlash, ziyoratchilar salomatligiga jiddiy e’tibor berish, ovqatlanish ratsioniga amal qilish, belgilangan tartiblarga rioya etishni ta’minlash masalalarini aytib o‘tishdi. 


Ayniqsa, Mino, Arafot vodiylarida o‘rnatilgan qonun-qoidalarga amal qilish, xususan, kunning jazirama issiq vaqtlarida (soat 10-00 dan 16-00 gacha) chodirlardan tashqarida yurmaslik, hududlarda tog‘u tepaliklarga chiqmaslik, bitoqa-beyjiklarni taqib yurish, harakatlanishda maxsus transport vositalari, avtobuslardan foydalanish va podshohlik talablari, tartibni saqlovchi xodimlar ko‘rsatmalariga itoat etish kabilarga urg‘u qaratildi.


Muftiy hazratlari ishchi guruhi va guruh rahbarlari uchun yanada mas’uliyatli damlar boshlanayotganini ta’kidladilar. Shuning barobarida haj amalini dinimiz talablariga muvofiq ado etish, shar’iy masalalarda Fatvo markazi fatvolariga rioya qilish, o‘zboshimchalik bilan ish tutishdan saqlanish, Mino va Arafotdagi chodirlarda ulamolarning mav’izalarini tashkil etish, bir so‘z bilan aytganda, hojilarning har bir daqiqasini toat-ibodat, duoyu zikr bilan unumli o‘tkazish kabilarni aytib o‘tdilar.


Yig‘ilishda boshqa tashkiliy masalalar ham kelishib olindi. 


O‘zbekiston musulmonlari idorasi
Matbuot xizmati

 

Hajning mas’uliyatli kunlari boshlanmoqda Hajning mas’uliyatli kunlari boshlanmoqda Hajning mas’uliyatli kunlari boshlanmoqda Hajning mas’uliyatli kunlari boshlanmoqda Hajning mas’uliyatli kunlari boshlanmoqda Hajning mas’uliyatli kunlari boshlanmoqda Hajning mas’uliyatli kunlari boshlanmoqda Hajning mas’uliyatli kunlari boshlanmoqda Hajning mas’uliyatli kunlari boshlanmoqda