Bismillahir Rohmanir Rohiym
Farzandingizning sochini tarasangiz, Rasululloh sollallohu alayhi vasallam “Kimning sochi bo‘lsa, uni parvarish qilsin”, deganlar, o‘sha hadisga muvofiq tarab qo‘yyapman deb ayting.
O‘g‘ilchangizga atir sepsangiz, Rasululloh sollallohu alayhi vasallam “Menga bu dunyodan xushbo‘ylik, ayollar mahbub qilindi. Namoz esa ko‘z quvonchim qilindi”, deganlar, o‘sha hadisga muvofiq atir surtyapman deb ayting.
Farzandingiz maktabga ketayotganda Nabiy sollallohu alayhi vasallamning “Kim ilm talabida yo‘lga tushsa, Alloh unga jannat yo‘lini oson qilib qo‘yadi”, degan hadislarini eslating.
Farzandingizga kulib qaraganingizda Rasululloh sollallohu alayhi vasallamning “Birodaringning yuziga tabassum bilan boqishing ham sadaqadir”, degan hadislarini eslating.
Farzandingizni maqtasangiz, Rasululloh sollallohu alayhi vasallam “Yaxshi so‘z ham sadaqadir”, deganlarini eslating.
Farzandingizga yoshi katta keksalarni hurmat qilishni o‘rgatib, Nabiy sollallohu alayhi vasallam: “Kichiklarimizga rahm shafqat qilmagan, keksalarimizni e’zozlamaganlar bizdan emas”, deganlarini ayting.
Shu tariqa farzand tarbiyasini sunnat va siyratga bog‘lab, hadislar asosida ta’lim-tarbiya bering.
Rasululloh sollallohu alayhi vasallam aytadilar: «Men va mendan oldingi payg‘ambarlarning Arafot maydonida qilgan eng ko‘p duolari:
لاَ إِلَهَ إِلاَّ اللهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ بِيَدِهِ الْخَيْرُ وَهُوَ عَلَى كُلِّ شَيْءٍ قَدِيرٌ
O‘qilishi: "Laa ilaha illallohu vahdahu laa shariyka lahu. Lahul mulku va lahul hamdu biyadihil xoyru va huva ’alaa kulli shayin qodiyr".
Ma’nosi: "Yagona Allohdan o‘zga iloh yo‘q. Uning sherigi yo‘q. Mulk ham, barcha maqtovlar ham Unga xosdir. Barcha yaxshiliklar Uning qo‘lidadir. U har bir narsaga qodirdir".
اللَّهُمَّ اجْعَل فى قَلبى نُوراً وفى صَدْرى نُوراً وفى سَمْعى نُوراً وفى بَصَرى نُوراً اللَّهُمَّ اشْرَحْ لى صَدْرِى ويَسِّرْ لى أَمْرى وأعُوذُ بِكَ مِنْ وَسْاوسِ الصَّدْرِ وشَتَات الأمْر وفِتْنةِ القَبْرِ اللَّهُمَّ إنى أعُوذُ بِكَ مِنْ شَرِّ ما يَلِجُ فى اللَّيْل وشَرِّ ما يَلِجُ فى النَّهارِ وشَرِّ مَا تَهُبُّ بِهِ الرِّياحُ وشَرِّ بَوائِق الدَّهْر.
O‘qilishi: "Allohumma, ij’al fii qolbiy nuron va fiy sodriy nuron va fiy sam’iy nuron va fiy basoriy nuron. Allohumma, ishroh liy sodriy va yassir liy amriy va a’uuzu bika min vasvaasis-sodri va shataatil-amri va fitnatil-qobri. Allohumma, inniy a’uuzu bika min sharri maa yaliju fil-layli va sharri maa yaliju fin-nahaari va sharri maa tahubbu bihir-riyaaahu va sharri bavoiqid-dahr" (G‘uniyatun nosik).
Ma’nosi: "Allohim qalbimni, ko‘ksimni, quloqlarimni va ko‘zlarimni nurga to‘ldir. Allohim! Qalbimni ochgin, har ishimni oson qilgin.Allohim! Sendan ko‘ksimdagi vasvasalardan, ishlarimning parokandaligidan, qabr fitnasidan panoh so‘rayman.
Allohim, tunda va kunduzi bo‘ladigan narsalarning yomonligidan, ustidan shamol esgan narsalarning yomonligidan, zamona halokatining yomonligidan O‘zingdan panoh so‘rayman".
“Robbana atina fid-dunya hasanatan va fil axiroti hasanatan va qina ’azaban-nar”.
“Allohumma aslih li diniyallaziy huva ’ismati amri va aslih li dunyayallati fiha ma’ashiy va aslih liy axirotiyallati fiha ma’adiy, vaj’alil hayata ziyadatalli min kulli xoyrin, vaja’lil mavta rohatalli min kulli sharrin”.
“A’uzu billahi min jahdil balai va darkish-shaqoi va su’il qazoi va shatamatil a’dai”.
“Subhanallohi va bihamdihi. Subhanallohil ’aziym”.
“Laa ilaha illa anta. Subhanaka inni kuntu minaz-zolimiyn”.
“Laa havla va laa quvvata illa billahil ’aliyil ’aziym”.
Davron NURMUHAMMAD