Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Nabiy sollallohu alayhi vasallamdan naql qilingan juda oson va qisqa bir duo bor. U zot quyidagi duoning ulkan foydasini ham aytganlar:

أَسْأَلُ اللهَ الْعَظِيمَ رَبَّ الْعَرْشِ الْعَظِيمِ أَنْ يَشْفِيَكَ

«Ulug‘ arsh Egasi bo‘lgan buyuk Allox taolodan senga shifo berishini so‘rayman» (Imom Abu Dovud rivoyati).

Hadisi sharifda keladiki, Nabiy sollallohu alayhi vasallam: «Qaysi bir musulmon bemor birodarini ziyorat qilib, yetti marta ushbu duoni o‘qisa, agar o‘sha bemorning ajali yetmagan bo‘lsa, albatta, bu duo barakotidan Alloh taolo unga shifo beradi. Lekin ajali yetgan bo‘lsa, uni hech kim qaytara olmaydi», deganlar (Imom Termiziy rivoyati).

«Nasihatlar guldastasi» kitobidan