Joriy yilning 5 dekabr kuni Andijon davlat universitetida "Ma’rifat ulashib" loyihasi doirasida viloyat bosh imom-xatibi Mirzamaqsud doma Alimov boshchiligida viloyatdagi barcha imom xatiblar, otinoyilar, hojilar, mahalla faollari hamda ma’naviyat targ‘ibotchilari ishtirokida “Tamaddun, madaniyat va ma’rifat” mavzusida “Ma’rifat karvoni” ilmiy-ma’rifiy va madaniy targ‘ibot tadbiri bo‘lib o‘tdi.
Dastur avvalida O‘zbekiston Respublikasi Davlat madhiyasi yangradi va ishtirokchilarga mavzuga oid ijtimoiy videorolik namoyish etildi. Tadbirni viloyat hokimi o‘rinbosari kirish so‘zi bilan ochib berdi. Keyingi navbatlarda ma’ruzachilarning kun tartibidagi ma’ruzalari tinglandi.
Tadbir yakunida mamlakatimizda amalga oshirilayotgan islohotlar, muhim voqealar hamda “Ma’rifat karvoni” ilmiy-ma’rifiy va madaniy targ‘ibot tadbirlarida faol ishtirok etayotgan bir guruh soha vakillari taqdirlandi.
Joriy yil 2-4 aprel kunlari O‘zbekiston davlat jismoniy tarbiya va sport universitetida sportning Bahodirlar o‘yini va tosh ko‘tarish turlari bo‘yicha barcha yosh toifalari o‘rtasida bellashuv o‘tkazildi.
400 dan ortiq polvonlar o‘rtasida Toshkent islom instituti 2-kurs talabasi Bobonazarov Muhammad Sodiq tosh ko‘tarish turi bo‘yicha 18-23 yoshlilar orasida 95 kg+ vazn toifasida faxrli 2-o‘rinni oldi.
Shuningdek, Muhammad Sodiq 2025 yil 26 aprel sanasida o‘tkaziladigan Jahon kubogida ishtirok etish yo‘llanmasini qo‘lga kiritdi.
Musobaqani Bahodirlar o‘yini va tosh ko‘tarish federatsiyasi prezidenti Voxiddin Najmiddinov, ginnes rekordchi va professional sportchilar kuzatib bordilar. Musobaqa yakunida g‘oliblarga Sport vazirligi tomonidan diplom va esdalik sovg‘alari topshirildi.