Sayt test holatida ishlamoqda!
14 Iyun, 2025   |   18 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:39
Shom
20:01
Xufton
21:39
Bismillah
14 Iyun, 2025, 18 Zulhijja, 1446

Agar muvaffaqiyatga erishmoqchi bo‘lsangiz

17.12.2024   3987   2 min.
Agar muvaffaqiyatga erishmoqchi bo‘lsangiz

Bismillahir Rohmanir Rohiym

Agar muvaffaqiyatga erishmoqchi bo‘lsangiz:
 1. Mansab haqida o‘ylamang, asosiy maqsadingiz orqaga qaytmaslik bo‘lsin.

Agar muvaffaqiyatga erishmoqchi bo‘lsangiz:
 2. Vaqtni behuda sarflamang, vaqt juda qadrli, umringiz esa, cheklangan. (Tartibli bo‘ling): namozingiz, uyqingiz, ertalab turishingiz, ishingiz, ovqatlanishingiz, uchrashuvlaringiz va mashg‘ulotlaringizni rejalashtiring.

Agar muvaffaqiyatga erishmoqchi bo‘lsangiz:
 3. Mo‘jiza kutib o‘tirmang, imkoniyatlar o‘z-o‘zidan yuzaga kelmaydi. Imkoniyatlarni siz yaratasiz.

Agar muvaffaqiyatga erishmoqchi bo‘lsangiz:
 4. Mashg‘ulotlar og‘irligidan yoki ovqatning ta’midan yosh bolalardek shikoyat qilmang. O‘zingizdan sabrli va moslashuvchanlik qobiliyatiga ega shaxsiyat yarating. Har qanday qiyinchiliklarga moslashing va ularni yengib o‘ting.

Agar muvaffaqiyatga erishmoqchi bo‘lsangiz:
5. Yiqilgandan keyin qaytadan turishni davom ettiring. Siz o‘ylaganingizdan ko‘ra kuchliroqsiz. Ozuqa, uyqu, mashg‘ulotlar, yorqin tabassum, g‘ajib tashlaydigan tishlaringizni namoyon qiladigan kulishingiz, o‘zingizga ishonch va hechan bukilmaydigan qadlingiz – bularning barchasi sizda mavjud. Siz – muvaffaqiyat uchun yaratilgan qahramonsiz.
6. Odamlar bilan haddan tashqari ko‘p aralashishdan ehtiyot bo‘ling. Bu ijtimoiy zehningizni oshirishi, odamlar bilan muloqot qilish malakasini paydo qilishi mumkin, ammo aqlingiz yangicha g‘oyalar yaratishga qodir bo‘lmay qoladi. Shuning uchun odamlar bilan aralashing, ammo me’yorda.
7. Biror kishini o‘zingizga o‘rnak qilishdan ehtiyot bo‘ling. Bu sizning aqlingizni to‘liq buzib tashlaydi. Faqat o‘zingizni o‘zingizga o‘rnak qiling. Siz tabiatan aqlsiz qilib yaratilgan emassiz, balki aqlingizni birovga taqlid qilishga yo‘naltirishingiz – uni zoye ketkazish demakdir.
8. Chuqur munosabatlardan uzoq bo‘ling. Hech kimni hayotingizda asosiy o‘ringa qo‘ymang. Xohlaganingizcha yaqin bo‘ling, ammo bir kuni ularsiz qolishingiz mumkinligini doim esda tuting.
9. Boshqalar sizdan kim bo‘lishingizni xohlayotgan bo‘lsa, o‘shanday bo‘lishdan saqlaning. Hech narsani o‘zgartirmang, o‘zingizni va hayotingizni o‘zingiz yaxshi ko‘radigan tarzda yashang.

Homidjon domla ISHMATBЕKOV

Boshqa maqolalar

Jannatning hamma eshiklarini ochinglar...

09.06.2025   7541   2 min.
Jannatning hamma eshiklarini ochinglar...

 

﴿ شَهِدَ ٱللَّهُ أَنَّهُۥ لَآ إِلَٰهَ إِلَّا هُوَ وَٱلۡمَلَٰٓئِكَةُ وَأُوْلُواْ ٱلۡعِلۡمِ قَآئِمَۢا بِٱلۡقِسۡطِۚ لَآ إِلَٰهَ إِلَّا هُوَ ٱلۡعَزِيزُ ٱلۡحَكِيمُ ﴾
[ آل عمران: 18]

 
 


O‘qilishi: Shahidallohu annahu laa ilaha illa huva val malaaikatu va ulul ilmi qooiman bilqisti laa ilaha illa huval ’aziyzul hakiym.

Ma’nosi: "Alloh adolat ila turib, albatta, Undan o‘zga iloh yo‘qligiga shohidlik berdi. Farishtalar va ilm egalari ham guvohlik berdilar. Undan o‘zga iloh yo‘q. U aziz va hakim Zotdir" (Oli Imron surasi, 18-oyat).


Rasululloh sollallohu alayhi vasallam dedilar: "Kim ushbu oyatni o‘qib, oxirida "Allohdan boshqa iloh yo‘q ekanligiga men ham guvohman" desa, Alloh taolo ushbu oyatning harflari adadicha farishtalarni qiyomat kunigacha o‘sha kishining haqqiga istig‘for ayttirib qo‘yadi".


U zot alayhissalom boshqa hadisda bunday deganlar: "Kim uyquga yotishidan oldin ushbu oyatni o‘qisa, Alloh taolo yetmish mingta farishtani yaratadi va ular qiyomat kunigacha o‘sha kishining haqqiga istig‘for aytib turadilar".


Abu G‘olib aytadilar: "Men Kufaga tijorat qilish uchun borganimda A’mashga qo‘shni bo‘lib turdim. Shunda u kishini har kecha ushbu oyatni takror va takror o‘qigani va undan keyin: "Men ham Alloh guvohlik bergan narsaga guvohman, men ushbu guvohligimni Allohga omonat qilib topshiraman. Qiyomat kunida Alloh taolo menga omonatimni qaytargay" deganlarini eshitar edim.
 
Shunda u kishidan buning sababini so‘raganimda, aytgan edilar: "Abu Voil menga Ibn Mas’uddan rivoyat qilib aytgan, Rasululloh sollallohu alayhi vasallam bunday deganlar: "Kim ushbu oyatni o‘qib, oxirida ushbu kalimalarni aytsa, qiyomat kunida Alloh taolo unga xitob qilib bunday deydi: "Bandam menga bergan va’dangda turding, ya’ni tavhidda, Men ham O‘z va’damda turaman. Ey, maloikalarim! Jannatning hamma eshiklarini ochinglar, bu bandam xohlagan eshigidan kirsin", deydi".