Sayt test holatida ishlamoqda!
11 Iyun, 2025   |   15 Zulhijja, 1446

Toshkent shahri
Tong
03:05
Quyosh
04:49
Peshin
12:28
Asr
17:38
Shom
19:59
Xufton
21:37
Bismillah
11 Iyun, 2025, 15 Zulhijja, 1446

....maoshimdan kesib qolinsin...

19.12.2024   6981   1 min.
....maoshimdan kesib qolinsin...

Devbanddagi “Dorul ulum” nomini eshitgan bo‘lsangiz kerak. Oxirgi paytda Alloh taolo bu idorani ummat uchun rahmat qilib qo‘ydi. U yerdan sahobai kiromlarni yodga soladigan odamlar yetishib chiqdilar. 

Men padari buzrukvorim Muftiy Muhammad Shafe’ qoddasallohu sirrohdan eshitganman. Devbanddagi “Dorul ulum”ning avvalgi davrida ustozlarning bir odatlari bor edi: “Dorul ulum”ga biror mehmon birortasi bilan uchrashish uchun kelsa, kelgan vaqtini qayd qilinar, keyin oy oxirida, falon-falon kunlarda mehmon bilan mashg‘ul bo‘ldim, shuncha vaqt “Dorul ulum” ishidan chalg‘idim, shuning uchun mening maoshimdan kesib qolinsin, deb iltimosnoma taqdim qilar edilar...

Hozirgi kunda oylikni oshirishni so‘raganlari haqida ko‘p eshitasiz. Lekin, men idoraga tegishli muddatda shuncha vaqtni shaxsiy ishimga sarf qildim, shu sababli maoshimdan qirqib olinsin, deb iltimos qilgan biror kimsa haqida eshitmaysiz. Bu ishni faqatgina bir kun Alloh taoloning huzurida turishni o‘ylagan shaxsgina qila oladi.

Bugun har bir shaxs uyatdan boshini egib qarasin, ishchilar va xodimlar qancha vaqtni vijdon ila o‘z vazifalarini ado etishga sarf qilyapti? Bugun har joyda fasod tarqagan. Xalq sargardon va idoraning tashqarisida quyoshda turibdi. Mas’ullar esa, o‘zining salqin xonasida gap sotish bilan band, choy ichyapti, nonushta qilyapti. Bu tarzdagi ishlarda bir tarafdan, maosh harom bo‘lyapti va ikkinchi tarafdan xalqni sarson qilish gunohi yozilyapti.

“Nasihatlar guldastasi”dan. 

Boshqa maqolalar

Arafa kuni ushbu 5 amalni bajarishni unutmang!

04.06.2025   13815   1 min.
Arafa kuni ushbu 5 amalni bajarishni unutmang!

1. Duo qilish. Bu kun qilingan duolar eng afzal duodir.

Solihlardan biri aytadi: "Allohga qasam! Arafa kuni biror duo qilsam, bir yil o‘tmasidan turib uni xuddi yorishgan tong kabi amalga oshganini ko‘rdim".

O‘tgan solihlar ehtiyojlari uchun qiladigan duolarini arafa kuniga saqlab qo‘yishar edi. Qanchadan qancha orzu-umidlar va duolar arafa kunida ijobat qilingan.


2. Ushbu duoni ko‘p qilish. Nabiy sollallohu alayhi vasallam: “Duolarning yaxshisi arafa kunidagi, men va mendan oldingi nabiylarning “Laa ilaha illallohu vahdahu laa shariyka lahu, lahul mulku va lahul hamdu va huva ’ala kulli shayin qodiyr”, deb aytgan duosidir”, dedilar.


3. Allohdan do‘zaxdan panoh so‘rash. Bu kundan ko‘ra do‘zaxdan ko‘p ozod bo‘ladigan kun yo‘q. Nabiy sollallohu alayhi vasallam aytdilar: “Arafa kuni, Alloh bandalarni do‘zaxdan ko‘p ozod qilganchalik boshqa biror kun yo‘q!”.


4. Takbiri tashriq aytish. Bu kunning bomdod namozidan boshlab takbir aytiladi. “Allohu akbar! Allohu akbar! Allohu akbar! Laa ilaha illallohu vallohu akbar! Allohu akbar va lillaahil hamd”.


5. Ro‘za tutish. Bu kun tutilgan ro‘za ikki yillik gunohlarga kafforot bo‘ladi. Rasululloh sollallohu alayhi vasallam: “Arafa kunining ro‘zasi undan oldingi va undan keyingi yillardagi gunohlarga kafforot bo‘ladi deb Allohdan umid qilaman”, dedilar (Imom Muslim rivoyati).

Arafa kuningiz muborak bo‘lsin. Alloh taolo sizni bu kunning fazilatlaridan to‘liq bahramand etsin.

 

Davron NURMUHAMMAD